الشعراوى وكوب الشاى وحقيقة تحريمه للفن والرياضة وإرتداء المايوهات
الشعراوى وكوب الشاى وحقيقة تحريمه للفن والرياضة وإرتداء المايوهات
عبر صفحته الشخصية بالفيس بووك كتب الإعلامى محمد سالم بالتلفزيون المصرى تفاصيل اللقاء الذى جمعه بالفنان الكبير حسن يوسف بعد تألقه في تجسيد شخصية الإمام الراحل محمد متولي الشعراوى ليكشف الكثير من الجوانب بعد الضجة التى إثيرت مؤخرا دون معرفة أسبابها الحقيقية ومن الذى يقف خلفها وننقل ماكتبه .
الإعلامى محمد سالم كما هو دون تدخل منا حيث قال:
خلال حوارى مع الفنان الكبير حسن يوسف سألته…يقولون إن الإمام الشعراوى كان ضد الفن بل وحرمه بصفة عامة؟
اجاب قائلا : ليس صحيحا على الإطلاق .
فبعد أن توطدت علاقتى به كنت ازوره باستمرار فى بيته بالهرم وذات مرة دخلت عليه ووجدته يشاهد التليفزيون.
فسألته مندهشا….أنت بتتفرج على التليفزيون يامولانا؟!!!!…فقال..آه. مستغرب ليه…هو أنا لاسمح الله بشوف حاجة وحشة…بشوف عالم الحيوان وعالم البحار وحاجات كتيرة مفيدة للإنسان.
ولو على الشاشة حاجة وحشة اقلب المؤشر على طول.
إيه اللى يجبرك تشوف حاجة وحشة لاسمح الله.
والتليفزيون المصرى له معزة وحب فى قلبى فلولاه ماعرفنى الناس ولا استوعبوا ما أقول.
قال حسن يوسف..يامولانا أنا بروح نادى الجزيرة ألعب رياضة وألبس المايوه واعوم فى حمام السباحة…فضحك قائلا .. وماله ياسيدى. .هو أنت بتروح تلعب رياضة ولا بتروح تبصبص للستات ؟ …قال حسن يوسف…وهذا ما شجعنى على أن أسأله مباشرة…هو الفن حلال والحرام يامولانا ؟؟؟؟؟…كان وقتها يجلس على الأرض فى حديقة منزله يصب لنا الشاى بعد أن افطرنا الفول والجبن…فابتسم قائلا..شوف ياسى حسن.. شايف الكوباية دى؟…أنا وأنت بنشرب فيها شاى…ونفس الكوباية ناس تانية بتشرب فيها خمرة …قولى بالله عليك…إيه ذنب الكوباية؟؟!!!!! أهو الفن ذى الكوباية …أنتم اللى ممكن تخلوه حلال بالنافع والمفيد وانتم اللى ممكن تخلوه حرام..بإثارة الغرائز والشهوات….يبقى إيه ذنب الفن.؟؟؟!!!…هى المتعةميبقاش طعمها حلو إلابالمعصية؟؟؟…….ويبتسم الفنان حسن يوسف..سألته..يامولانا هل تسمح لى أن أقدم قصة حياتك فى عمل فنى؟؟ قال…بعد ما أموت…اعملوا اللى انتم عاوزينه….وكانت هذة موافقة ضمنية على المسلسل ..ولو كان يحرم الفن كما يدعون..لرفض أو اعتذر مباشرة …عليه سحائب الرحمة والرضوان
