أحدث أخبار الفن والرياضة والثقافة والمرأة والمجتمع والمشاهير في كل المجالات

الفراق… أخلاق “بالصح حياتنا أصح” بقلم هايدي سلامة

الفراق… أخلاق “بالصح حياتنا أصح”

الصداقه أخلاق والحب أخلاق والخصام أخلاق والفراق أخلاق فالبدايات مشاعر والنهايات لأزم تكون أخلاق ..أسامح مرة وأكررها في الثانية لأنهم غاليين على القلب وفي الثالثة أصمت لأحتفظ بهم.. ثم أبعد بأخلاق ‏‎إذا إنتهت علاقتك بشخص أحببته فلا تبُحْ بسرٍّ كان بينكما ولا تحاول أبداً تشويه الصورة الجميلة أجعل من قلبك مخبأ لكل أسراره .

الفراق… أخلاق “بالصح حياتنا أصح”

“أمساك بمعروف أو تسريح بإحسان” دي مش وصيه ربانيه بس هتنفعنا في الجواز والطلاق ديه ضوابط وقواعد لأستمرار أو إنهاء كل العلاقات سواء علاقه بالأشخاص أو حتى الأشياء
العلاقه بينك وبين شريك الحياه أو صديقك ، شغلك ، مقتنياتك …..

إمساك بمعروف

معنى كلمه “إمساك بمعروف” هى
ضوابط النفس وأضع نفسي من الكرام فى الجود في المعامله
وعندما يحدث فراق تسيب سمعه كويسه يبقى نتعامل بحاجه أحلى من المعروف وهي ” الإحسان ” الدنيا صغيره فعلى مستوى الصداقه .. لو حصل خلاف بين الأصحاب الشيطان يقوم بوسوسته الشهيره انك دائما تبقى بتسعى لتحسين منظرك والمفروض أنكم كنتم أصحاب جدا انت مش عايز أحد يرمى عليك اللوم فتستخدم الأسلحه المتاحه تحت إيديك عشان منظرك يطلع سليم. وعلشان يبقى الغلط عند صاحبك ممكن تستخدم أسرار صاحب العمر لتشويه صورته عشان يبقى لك الحق فقول أحدهم.

” يا ابني انت كنت مستحمل ازاي ” ده مش تسريح بإحسان ده فجر الخصومه اللي نهى عنها “صلى الله عليه وسلم ” إذا خاصم فجر وغدر بالشخص الذى وثق فيك وتبوح بالأسرار أثناء الفراق.

الأخلاق وقت الفراق 

حاجه ثانيه في الوظائف أثناء ترك العمل الناس اللي في البزنس عارفاه المشهد ده كويس شاب جاءت له فرصه في شركه ثانيه وبيجهز ورقه قدامه شهر في الشركه القديمه كمل
لا مبالاه ، إهمال في تسليم الوظيفه والتراخي في إنهاء المهام الأخيره اللي عنده والتأخير على المواعيد.
ما أنت كنت شغال كويس لو أنت بتفارق فارق بإحسان .
حتى فى إنهاء علاقتك بمقتنياتك انهى بأحسان عندما يقدم عندك شئ وتنوى إن تخرجه لمن يستحق استخدمه فى اللحاظات الأخيره بإحسان كى يسعد به من بعدك
يبقى الحل عند الفراق تظهر الأخلاق وانت بتسيب أي حاجه سيبها بأعلى درجات الإحسان والإكرام والآية القرانيه في سوره الطلاق الإثنين بيطلقوا كل واحد بقى هيدور يكمل حياته ازاى .
قال تعالى ومن يتق الله يجعل له مخرجا ، وقد جعل الله لكل شيء قدرا فى علاقتك باي شخص في الشغل ، أصدقاء ، أزواج اللهم أرزقنا حسن الفراق اذا اختلفنا وأخلف علينا بخير ما في أيدينا وأعنا على ما تبقى من أعمالنا .

قد يعجبك ايضآ
اترك رد

لن يتم نشر عنوان بريدك الإلكتروني.