أحدث أخبار الفن والرياضة والثقافة والمرأة والمجتمع والمشاهير في كل المجالات

الكحك الناعم مقدم من شيف غاده مصطفي

الكحك الناعم روعة بطريقة سهلة في البيت

كتبت اسماء عزازي
مقدمه من الشيف غاده مصطفى
مده التحضير 20 دقيقه
مده الطهى 25 دقيقه

الــمــقـاديــر

1 كيلو دقيق
2 و 1/2 كوب سمنه بلدى
معلقه ونصف كبيره خميره فوريه او قطعو خميره حجم عين الجمل
معلقه كبيره محلب
معلقتين ريحة كحك
رشه قرنفل مطحون ناعم ( معلقه صغيره )
معلقة صغيرة حبهان مطحون ناعم جدااا بعطى ريحه فظيييعه
رشة ملح
2 معلقه كبيره سكر
معلقه كبيره سمسم نىء مش محمص
3/4 كوب ماء دافىء للعجن

الــطـريـقـه

ننخل الدقيق و نحمص المحلب على نار هادئه ونطحنه نااعم جدااْ
و نضيف المحلب وريحة الكحك و معلقه القرنفل و السمسم ورشه الملح والسكر على الدقيق ونقلبهم جيدا
ونسخن السمنه بس مش تقدح يدوب تسخن فقط علشان متعملش حرقان لما ناكل الكحك
و نقلب بمعلقه خشب ثم نبس الدقيق فى السمنه جيدا جدااْ جدااْ
نخمر الخميره بمعلقة سكر و معلقتين ماء دافىء و نغطيها لما تفوور و تملىء الكوب
ويكون العجين دافىء خالص نضيف الميه على الدقيق والسمنه وعليهم الخميره بس لازم يكون داافىء علشان الخميره تتفاعل
ونعجن جيدا جدااْ و نكور قطع فى حجم عين الجمل و ممكن نعمل فيها تجويف و نحشيها بالملبن او بعين الجمل او بالعجوة و تتبطط ونشكل بالمنقااش و توضع فى الصينيه ونترك مسافات ونتركه ساعتين لما يخمر جبدا
يدخل على فرن عالى مسخن على 190الى 200 درجه لمده 25 دقيقه حتى ياخذ الظهر ياخذ لون ذهبى

و لما يبرد يزين بالسكر البودره

مدير قسم المطبخ اسماء عزازى
سمسمه سعد

قد يعجبك ايضآ
اترك رد

لن يتم نشر عنوان بريدك الإلكتروني.