الكشرى المصرى مقدمه من شيف شوشو عرابي

الكشرى المصرى

مقدمه من شيف شوشو عرابي

خلينا متفقين ان شغله كتير بس النتيجة مبهرة ومرضيه
اول حاجة هنقطع ٥ بصلات ابيض جوانح رفيعة ونضيفلهم ٢ م ك نشا ونخلطهم سوا ونقليهم فى زيت غزير سخن ونفضل نقلب اول ماتاخد اللون الدهبى الجامد ده نطفى ونصفيه فى مصفاه ونسيبه على جمب
نغسل كوب عدس بجبة ونسويه على النار فى ماء مغلى + م ص ثوم مفروم + م ص كمون + م ص ملح يادوب يستوى بنسبة ٨٠% ونطفى عليه ونصفيه ونسيبه على جمب
هناخد ربع كوب زيت من اللى عملنا فيه البصل ونضيفله ٣/٤ كوب شعرية ونقلب لحد ماتاخد لون دهبى غامق نطفى عليها ونضيفلها كوب ونص رز مصرى وملح + مكعب مرقة + كوب ونص ماء مغلى واول مايشرب المايه نهدى النار ونسيبه يكمل سواه
هنسلق كوب مكرونة صغيرة ونص كوب مكرونة اسباجتى فى مايه وملح
صلصة الكشرى بقى ودى اهم حاجة ( ربع كوب من زيت البصل نضيفله م ك ثوم مفروم + م ص كسبرة + كوب صلصة بوريه ونقلب + ملح + ربع كوب ماء ونقلب لحد ماتتسبك
الدقة ( كوب ماء مغلى + ١/٢ م ص كمون + ١/٢ م ص كسبرة + م ص ملح + ٨ م ك خل + عصير ليمونة ) هنقلب كل المكونات ونظبط الطعم حسب ذوقنا
كده الطبق اصبحت مكوناته جاهزة هظبطه زى الجاهز بالظبط ويتقدم وبالهنا والشفا

الحمص مصدراً للعديد من المواد الغذائية المفيدة، حيثُ إنّه مصدرٌ غنيّ بالألياف، والكربوهيدرات، والبروتينات، ومجموعة فيتامين ب، وبعض المعادن، وغيرها، والتي نذكرها بشكل مفصّل فيما يأتي: الفولات: أو ما يُعرف أيضاً بفيتامين ب9، والمشهور أيضاً باسم حمض الفوليك، وهو فيتامين ضروريٌ لإنتاج خلايا الدم الحمراء، والمادة الوراثية التي بدورها تلعب دوراً مهمّاً في التحكّم بانتقال الصفات بالوراثة، وتوجيه الخليّة لأداء وظائفها اليوميّة، ويساعد حمض الفوليك أيضاً على نمو الأنسجة، وزيادة الشهيّة، وتعزيز تكوّن العصارة الهضمية. الحديد: يُشكّل الحديد العنصر الرئيسي في تكوين بروتين الهيموجلوبين، الذي ينقل الأكسجين من الرئتين إلى الأنسجة المختلفة، كما يدخل في تكوين بروتين الميوغلوبين المسؤول عن أيض العضلات وصحة الأنسجة الضامة، وللحديد دورٌ مهمٌ أيضاً في كلّ من النمو العصبي، والبدني، ووظائف الخلايا، وتكوين بعض الهرمونات  الفسفور: يُعدُّ الفسفور من المعادن المتوفرة بكثرة في الجسم، نظراً لأهميته في العديد من وظائف الجسم، مثل: طرح الفضلات عبر الكلى، وترميم الأنسجة والخلايا والمساعدة على نموها والحفاظ عليها، والحفاظ على صحة العظام وقوتها، وإنتاج الطاقة في الجسم وتنظيم استهلاكها
رئيس قسم المطبخ أ سمسمه سعد

تابع ايضاصدور دجاج باصوص مقدمه من الشيف حماده راشد السيد محمد