أحدث أخبار الفن والرياضة والثقافة والمرأة والمجتمع والمشاهير في كل المجالات

الكلمة نور (1)

كتبت
فاتن فتح الله نصر

نسمع دايما عن الكلمة الحلوة
و مجرد ما نسمعها بييجي على بالنا فورا إنها
الطبطبة

لكن
هل هي فعلا كده
هل مفروض ناخد الأمر على محمل الطبطبة
لحد ما تخرب الأمور و لايمكن علاجها

الطبطبة
أحيانا دورا …
واحيانا سم قاتل

لما يكون الإنسان غلط …
و حد يطبطب عليه ويقول له … إنت زي الفل … إنت صح …
وسبك من اي حد يقول لك انت غلط
دي ناس معقدة وشايفة كل حاجة على مزاجها
هو انت يعني بتعمل ايه
دي عالم معقدة
اللي بيطبطب هنا ده قاتل …
لأنه مش عايز إصلاح هو بيطبطب عشان له مصلحة بيمشيها مع اللي بيطبطب عليه
وبالتالي
الطبطبة هنا مش ممكن تكون كلمة حلوة

الكلمة الحلوة هي الكلمة اللي تخلي حياة غيري احلى من الحالي …..
هي كلمة الحق في وقت لازم تتقال فيه للتنبيه من غفلة في طريق معين
كلمة
تفيد في تغيير مسار حياة من طريق غلط لطريق صح
والقياس معروف
فلا وربك لايؤمنوا حتى يحكموك فيما شجر بينهم
وواضحة
الأمر من ربنا واضح
تحكيم العقل في الأوامر والنواهي
ولا خشية في قول الحق
بمعنى
لما يكون إنسان أصله طيب
ولكن يفعل مايراه المجتمع شيء عادي
هنا لابد من التنبيه
مش كل ما يراه البشر شيء عادي هو شيء صح
دعوة الأنبياء لأقوامهم
كانت تُواجَه بجملة حفظناها
هذا ما وجدنا عليه آباؤنا
وكان وقتها آباهم في ضلال عظيم

الكلمة الحلوة هي كلمة الحق
شاء من شاء وأبى من أبى

الكلمة نور
وبعض الكلمات قبور

وفي أمثالنا الشعبية
وهي مدرسة
يابخت من بكاني وبكى عليا …ولا ضحكني وضحك الناس عليا

قد يعجبك ايضآ
اترك رد

لن يتم نشر عنوان بريدك الإلكتروني.