الكنافه بحشوه القشطه المنزلية   مقدم من مريم أبو العلا  

المقادير

نصف كيلو كنافة

كوب سمنه

مكسرات

الطريقة

نصف كيلو كنافه ضعيها في الفريزر ٣ سعات

طلعيها افركيها وحطي عليها كوب سمنه سائح

قلبي بايدك عشان كل الكنافه تشرب السمن

هاتي صبيه إدهنيها سمنه ضع نصف الكنافه واضغطي بايدك تكوني عامله القشطه حطيها في النصف وضعى عليها اي مكسرات عندك وحطي النص التاني من الكنافيه واضغطي ضغط خفيف دخليها الفرن ولعي من تحت ١٨٠ وسبيها ٢٥ دقيقه وشغلي الشوايه تحمر وخرجيها تكوني عامله الشربات

لو عايزاها طريه هتبقي سخنه والشربات سخن وتغطيها.

لو عايزاها مقرمشه تبقي حاجه فيهم بارده .وبردو غطيها

القشطه

نص كيلو حليب

ملعقتين حليب بودر

٣ ملاعق نشا

ملعقه فانليا

ظرف كريمه خفق او ٣ ملاعق

الطريقة

في اناء ضعي الحليب والنشا والحليب البودر وقلبي جيدا لحد مايدوبو  وارفعيهم علي النار الى ان يتماسك

نزليها ضيفي الفاانليا والكريمه .وقلبيهم وسبيهم يبردو .

الشربات

٢ كوب سكر

كوب ماء

عدد عصره ليمون

طريقة الشربات

ضع السكر والماء يغلي ضف الليمون

هدي النار سبيه  ٨ دقائق.

رئيس قسم المطبخ أ / جيهان جعفر