أحدث أخبار الفن والرياضة والثقافة والمرأة والمجتمع والمشاهير في كل المجالات

الكيكه السحريه مقدمه من اكلات سومه

أسهل طريقة لعمل الكيكه السحريه

IMG_٢٠١٩٠٣٠٨_١٤٢١٥٠_٢٠٦

كتبت سمسمه سعد

مده التحضير ربع ساعة

مده الطهي 35دقيقه

المقادير

 مقادير الكريمه
3كوب حليب
3 معالق كبيره دقيق
معلقتين كبار نشا
3معالق كبيره سكر
بشر قشر 2ليمونه

 مقادير الكيك
4بيضات بدرجة حرارة المطبخ
ربع كيلو دقيق 2كوب ونصف
كوب الاربع زيت
كوب الاربع حليب
كوب الاربع سكر
5ورقات فانيليا
معلقه كبيره كاكاو خام
باكو بيكنج بودر
ذرة ملح

للتزيين
3علب دانيت شيكولاته
معلقة جوز هند او سوداني مبشور او شيكولاته  مبشوره او كريز

الطريقه

اولا الكريمه
في اناإ   علي النار هندوب النشا والسكر والدقيق في الحليب   وننزل ببشر الليمون  ونستمر في الضرب بالمضرب اليدوي لحد ما الخليط يبدا يتقل نرفعه عن النار ونضرب فيه دقيقه ونغطي وشه بورقة استرتش،عشان مايعملش قشره ونسيبه يبرد خالص

ثانيا الكيكه
في طبق غويط ننزل بالبيض وعليه ذرة الملح والفانيليا والسكر ونضربهم جامد بالمضرب لحد السكر مايدوب ننزل بالزيت ونضربهم وننزل بالحليب و البيكنج البودر ونضرب وننزل بالكاكاو ونضرب لحد الخليط ما يتجانس ننزل بالدقيق على مرتين اول نصف ونقلب لحد مايختفي وننزل بنصف الدقيق التاني ونضربهم خمس دقايق هتتكون عجينه كيكه سايله هشه ندهن صنيه مقاس 22بالسمن ونبطنها بالدقيق وننزل بخليط الكيكه
نقلب الكريمه البارده ونبدا ننزل بيها على الكيكه بس ننزل بيها في وسط الكيكه بالظبط
ندخل الكيكه الفرن على الرف ونشغل الفرن
((ملحوظه مهمه الكيكه بتدخل والفرن مطفي ونشغله وهي جوا ))
بنسيبها في الفرن ساعه كامله مانفتحش عليها خالص وبعدها نطفي ونسيبها خمس دقايق وبعدين نفتح ونخرجها
نسيبها تهدا خالص وتبرد مش اقل من ساعتين
نبدا نزين الكيكه بالدانيت نفرده عليها وبضهر معلقه نرسم ورده مضلعه ونزينها   وندخلها التلاجه ساعتين
نخرجها نقطعها ونقدمها

وبالف هنا

رئيس قسم المطبخ أ سمسمه سعد

واسماء عزازي

قد يعجبك ايضآ
اترك رد

لن يتم نشر عنوان بريدك الإلكتروني.