“الهرشه السابعه”

الهرشه السابعه!! 

وظيفة الام الأولى( أطفالها) لما يشبعوا منها
ومن حنيتها واهتمامها ووجودها ويبدأوا
يتحركوا في الحياه ويتشغلوا تبدأ هي تاخد خطوات في مستقبلها المهني او أشباع احتياجاتها في النجاح والعمل وممارسة الهوايات واي شئ يخليها تحقق أهدافها الشخصيه بعد ما اطمنت على اساس شخصية أولادها اللي بيتبني في أول 6 سنوات من عمر الطفل (الطفوله المبكره) نجاحها الأول أولادها وبيتها.. دي فطرة ربنا وده دورها الأهم والأول واللي مش قد الدور ده وفترة التفرغ التي تليه
مياخدش قرار الإنجاب الا لو مستعد له؛ لأن مصير الاولاد والبيت بيكون معلق هنا على قدرة المرأه النفسيه في لعب دورها الطبيعي..النجاح نجاح امومتها بالدرجه الأولى والحفاظ على كيان بيتها ده اللي حيكون مصدر فخر أولادها بيها رقم واحد..وأى نجاحات تانيه دايماً ملحوق
عليها وممكن تتحقق في اي سن.

مينفعش أمارس امومتي وانا حاسه إني جايه
على نفسي ومش طايقه!!
مينفعش اربي أولادي صح وانا طول اليوم
جوايا إحساس وكأني متفضله بوظيفتي عليهم
وعلى شريك حياتي.. ولا هو كمان دي ادوارنا الطبيعيه اللي ربنا اقامنا فيها وقرار محدش ضربنا على ايدنا ناخده.. فإما نكون اد تبعاته ومسؤلياته وأما نكمل في طريقنا لوحدنا افضل لجميع الأطراف.

#الهرشه_السابعه