على اد ما قلبى حبك
على اد ما هبعد بعيد
ايوه هبعد… ايوه هاغيب
هتوه فى دنيا .. أقرب ما لينا فيها عنا غريب
يمكن اسافر .. بس هيفضل قلبى فاكر
كل كلمه و كل ضحكه و كل همسه
كل حاجه اتمناها قلبى .. وانت عنى فى يوم بعيد
اللى جوه القلب ساكن
عمره ما يتوه فى المساكن
بين رموش العين و لكن ..
عينى مش شايفاه اكيد ..!!
كل ما تمر نسمه ليه بتفكرنى بيك
حتى لما موج البحر يخبط ويا صخر ..
اسمع اسمك ف ودانى صوته بينادي عليك
حتى صووووووت القطر … بيفكر نى بيك
اوعدنى لو تشوفني صدفه
أوعى عينى تشوف عينيك .
