كتبت سمسمه سعد
مكونات بلح الشام
250 جم دقيق قوى
50 جم زيت
200 جم ماء
ذره ملح
3 بيضات
الطريقه
نضع المياه والزيت ورشه الملح على النار تغلى واول ما تغلى نضع الدقيق مره واحده ونهدى النار ونقلب بسرعه حتى تتجانس العجينه وتبقى كتله واحده وتلم نفسها ولا تترك اى اثار فى الحله ناخدها كده وتوضع فى العجان على سرعه هاديه ولو مافيش عجان ممكن نضعها على الرخامه بايديكى
علشان تكمل سواها وكمان تبرد وفائده الضرب هنا علشان تقبل وتتشبع بالبيض لم يوضع ولما تبرد العجينه نضع بيضه ونضرب حتى تختفى ثم التانيه وهكذا والقوام بيكون تقيل ثم توضع فى كيس حلوانى ونشكلها وننزل بيها فى زيت دافىء يعنى نتحمله لو حطينا فيه ايدينا وبعد ما نشكله كله نسيبه لما ينفش ويمسك نفسه ونصفيه من الزيت ثم يوضع تانى فى زيت ساخن حتى يبقى لونه دهبى ومستوى من جوه وكرسبى من بره ثم فى شربات تقيل ودافىء
ولو حطينا البلح فى الزيت الساخن على طول بيتفتح ويشقق
رئيس قسم المطبخ أ سمسمه سعد
واسماء عزازي