بوريك بالجبنة والنوتيلا مقدم من اسلام عصفور

بوريك بالجبنه والنوتيلا
مقدم من إسلام عصفور
مده التحضير ساعه
مده الطهى 10دقايق
المكونات
5كوب دقيق
2ملعقه كبيره خميره فوريه
2ملعقه كبيره سكر
3ملعقه كبيره حليب بودره
ملعقه كبيره زبده
ربع كوب زيت
واحد حبه بيض للعجن
ملعقه صغيره خل
ملعقه صغيره ملح
2ملعقه كبيره زبادى
واحد حبه بيض لدهن الوجه
حبه البركه، سمسم
ماء أو حليب للعجن
الحشو
جبنه موتزريلا ورومى
جبنا فيتا
ملعقه زيت
زيتون مخلى مشكل
جبنه كريمى، جبنه كيرى
نوتيلا ،موز
الطريقه
نضع الخميره والسكر فى نصف كوب ماء دافئ ونتركهم 10دقايق يتفاعلو
ونخلط الدقيق والبيكنج بودر والحليب البودره والملح
ونضيف الزبده والزيت ونقلب لما الدقيق يبقى زى الرمل
نضرب البيضه مع ملعقه الخل والزبادى ونضيفهم ونقلب كويس وتكون الخميره فارت نضيفهاونضيف ماء أو حليب ونعجن لما العجينه تلم معانا ونعجنها على سطح مرشوش دقيق 10 دقايق على الأقل علشان تدينا نتيجه أفضل
ونغطيها لما تخمر وحجمها يتضاعف
ونبتدى نشكلها على دقيق بسيط
الحشو
نخلط الجبن والزيتون وملعقه الزيت مع بعض ونحشى بيهم
ونسيبها تخمر تانى نصف ساعه وندهن الوجه بيضه مضروبه مع شويه حليب ورشه نسكافيه
ونخبز على نار متوسطه على الرف فى النصف بتاخد حوالى 10دقايق
التشكيل على راحتكم زى ماتحبو (شكلت قلب وظرف وكحكه موز ونوتيلا )
رئيس قسم المطبخ أ / جيهان جعفر