أحدث أخبار الفن والرياضة والثقافة والمرأة والمجتمع والمشاهير في كل المجالات

تشكين بروست مع بطاطس ويدجز المشويه

كتبت سمسمه سعد

مقادير خلطة البروست

البريدنج

كيلو دقيق معلقه كبيره بيكنج بودر

٢معلقه كبيره حبهان ناعم ٢معلقه كبيره جنزييل

٢معلقه كبيره فلفل ابيض ٢معلقه كبيره ملح  ٢معلقه صغيره ثوم بودر  ٢معلقه صغيره بصل بودر

بهارات سبياسي اللى بيحب الحراق يضيف ع الخليط

٢معلقه كبيره شطة حمرا . ٢معلقه كبيره بابركيا

بولة ماية ساقعة _ ٢كوب دقيق ابيض

الطريقة:-

ننقع قطع الفراخ سواء صدر او دبوس ف التوابل الحارة لمدة ٤ ساعات تقريبا لحد ما الفراخ تشرب المارنيه
هنتبل الفراخ على ٤ مراحل

المرحلة الاولي
نجيب قطع الفراخ ونخلطها بخلطة البريدنج كويس

المرحلة الثانية :-
كل قطعة ناخدها من البريدنج ونسقطها بسرعة في الماية الساقعة ونصفيها من الماية الزيادة

المرحلة الثالثة
نعفرها ف الدقيق الابيض النظيف كويس

المرحلة الاخيرة
ننزلها ف الزيت مباشرة وهو مغلي منحركش الفراخ وهى ف الزيت عشان الخليط ميقعش من عليها
اول متطفو ع وش الزيت بنعرف انها اتسوت

ملحوظة :
* بلاش نكبس الفراخ بالدقيق الابيض عشان الخليط ميقعش يادوب تعفيرة نغطي بيها القطع

 الصدور بتقعد من ٤ق الي ٥ق ف الزيت
الدبوس او الوراك بتقعد ١٥ دقيقه

مقادير الويدجز

٢ حبة بطاطس مغسولة بالقشرة ومقطعة ع شكل صوابع هلال
١ م كبيرة كركم
١ م ص بابريكا
١ م ص ملح
١ م ص فلفل اسود
١ م ص جوزة الطيب
١ م ص بصل بودر
١ م ص ثوم بودر
١ م ص جنزبيل
رشة اوريجانو
١ م ك زيت زيتون
رشة دقيق
م ص بيكنج بودر
رشة جبن رومي مبشور او بقدونس مفروم زى ماحبي

الطريقة:-

نغسل البطاطس كويس جدا بالقشرة بتاعتها

نقطع البطاطس صوابع ع شكل هلال بالقشرة

نجيب بولة ونحط فيها البطاطس المقطعة نضع عليها مقدار زيت الزيتون ونقلب كويس بعدها ننزل بالتوابل ماعدا الدقيق

ونقلبهم كويس ونسيبهم في التلاجة حوالي ساعة عشان البطاطس تشرب من التتبيلة

بعد كد نجيب البطاطس ونكون سخنا الفرن علي درجة حرارة ١٨٠° نجيب صنية الفرن وندهنها فرشة زيت ونحط عليها ورقة زبدة

نرجع بقي للبطاطس ونصفيها من الزيت واى سوائل في البولة بعدها نعفرها يادوب بشوية دقيق ونرص كل صوبع بطاطس جنب بعضه بحيث يكون في مسافة بينهم وبعد ربع ساعة نفتح عليها ونقلبهم ع الجنب التاني لحد السوي واللون الزهبي ونراعي اننا منسبهاش اكتر من اللازم اول متتلون من الجانبين نطلعها
وتزين بالجبنة الرومي المبشورة الو البقدونس المفروم وتقدم

وبالهنا والشفاء

رئيس قسم المطبخ أ سمسمه سعد/اسماء عزازي

قد يعجبك ايضآ
اترك رد

لن يتم نشر عنوان بريدك الإلكتروني.