تورتة الميكس فانيلا وشيكولاته مقدمه من شوشو عرابي
كتبت سمسمه سعد
وقت التحضير / ٣٠ دقيقة
وقت الطهى / ٤٠ دقيقة
عملت كيكتين واحدة فانيلا والتانية شيكولاتة بنفس المقادير
للتورتةالواحدة نص كيلو دقيق اسبونج
٦ بيضات ١/٢ كوب ماء
فانيلا + معلقه صغيره خل
نخفق البيض مع الفانيلا مع الخل لمدة ٥ دقايق ثم نضيف الماء والدقيق ونخفق لمدة ١٠ دقايق ونكون مجهزين صنية مبطنة بزبدة ودقيق وتدخل فرن ١٨٠ لمدة ٤٠ دقيقة وتخرج تترك تبرد خالص ونعمل الكيكة التانية نفس المقادير وتترك لتانى يوم
هنقسم الكيكتين على ٣ ديسكات كل واحدة ونحشى كيكة الفانيلا بكريم شانتيه وميكس قطع فواكه فراولة خوخ وموز ونغلفها بكريم شانتيه والجوانب بجوز هند وتدخل التلاجة ساعتين
ونشتغل فى كيكة الشيكولا برده هنحشيها كريم شانتيه شيكولاته ونوتيلا وعين جمل ونغلفها بكريم شانتيه والجوانب بمكسرات وتدخل التلاجة ساعتين
كده اصبح عندنا تورتتين هنقسم تورتة الفانيلا من النصف لنصين ونفس القصه نقسم نصفين شيكولاته وبينهم كريم شانتيه
واحدة زينتها بالفواكه وهنزلها قريب ان شاء الله والتانية زينتها بالجناش وقسمتها لاجزاء
رئيس قسم المطبخ أ سمسمه سعد/ أ اسماء عزازي