جرة قلم
علا فياله
جرة قلم
المزيد من المشاركات
مفعول وفاعل في الأمل
والفعل جره من القلم
مجرورة كل الذكريات
تنقش وراك حبة ألم
تلضم وتنصب ضحكتك
ترفع لربك شكوتك
هاء الضمير اللي انظلم
خبى ف ملامحه من الكسوف
كل الحروف اتلخبطت
واتشكلت عكس الحروف
الضمه فتحت وحدتك
واتكونت فوق الخسوف
والكسره زهقت م الوجع
يا حضرة الأستاذ وجع
خليك جدع
ارحل وهات حبة أمل
هات الأكيد والمحتمل
و اشطب معاك المستحيل
ياحضرة الأستاذ وجع
أنا مش عويل
أنا بس حروفي اتلخبطت
واتشكلت واتشنكلت
و خلاص يا سيدي اتعدلت
أصلك عارفني
أنا مش ألم
أنا فاعل وفاعل ف الأمل
والفعل دا جرة قلم
علا فياله
