جرح العلاقات…
جرح العلاقات…
بقلم… عزة ابوالسعود
هل لو انقطعت العلاقه وانجرحت او اتخدشت تعود كما كانت من قبل ؟
بالتأكيد لا…
العلاقة زي كوب اللبن الصافي لو اتعكر مستحيل يرجع زي الأول.
اي علاقه في الدنيا لو انجرحت او اتخدشت لا تعود كمان كانت من قبل بالعكس بترجع اسوء من الأول الف مرة و بتسبب حواجز و فراق وبعد اكتر من الاول وقلق وضغوطات نفسية رهيبة وتحولنا كاننا اغراب او اعداء .حتي لو عايشين تحت سقف بيت واحد. بنكون أغراب عن بعض حقيقي و يتحول لعداوه وكره وانتقام ساعات .
متوصلش علاقتك بالشكل ده نهائي علي اد ماتقدر لأن في علاقات مينفعش القطع فيها نهائيا زي علاقه الاهل باولادهم والأخوات
مستحيل القطع فبها وربنا امرنا بكده بصلة الرحم وفي علاقات اه ممكن نبعد أو ننفصل عشان مؤذية ليك مثل زوجين مختلفين دائما وبينهم خلافات ومشاكل مدمرة او الأصدقاء اللي دايما في بينهم غيرة وحقد اصدقاء السوء ساعتها الانفصال واجب ومن حق نفسك عليك انك تنسحب بكل هدوء عشان صحتك وسلامه نفسيتك وحياتك
العلاقات المدمرة بتاذي صاحبها جدا وكفيله انها تدمره صحيا ونفسيا وجسديا وممكن تؤدي الانتهاء بحياته من كتر القلق الضغوطات النفسية الضغط النفسي رهيب ومدمر فعليا. ارحموا أنفسكم أولا
ياتستمر في علاقه جيدة تحسن نفسيتك وتحب نفسك فيها وتتسرجع نشاطك وحبك للحياة مرة اخري وتحس انك مهم ومتقدر في العلاقة ياما تبعد عن اي علاقة مؤذية مش متقدر فبها ومتهان كمان البعد افضل شي إنما تهلك نفسك في علاقه مجروحه مهانه ليك وتستمر فيها وتقول هستحمل وخلاص هتسببلك اذي نفسي مدمر و مهين لك ولحياتك ولصحتك فبلاش أرجوكم
العلاقة هي اساس كل شي بالحياة فلا تدمروها وتدمروا أنفسكم.
علاقه يعني تواصل وحياه ايجابية صحية واستمرارية واختلاط وتبادل خد وهات مينفعش تاخد فقط ولا تعطي فقط
تبادل الاهتمام مهم للطرفين.وللاستمرارية
اساس العلاقة الناجحة الاهتمام والصدق والاحترام والاخلاص من الطرفين…
المفروض تكون علاقاتتنا طيبة بالاخرين علاقة توحي بالرخاء والتواصل والود زي ما ربنا وصانا بصلة الرحم والتعاطف والرحمه والحب ماببنا ولا يجب أن تنقطع او حتي تنجرح تحت اي ضغط بس لو انفطعت واستحالت العيشة والاستمراربة الانسحاب افضل وننسحب باحترام ومنجرحش في بعض احتراما للعشرة فجرح العلاقات شي مؤذي للغاية ولابد أن نمحية بكل وسيلة الاستمرار في علاقة فاشلة مايفرقش كتيرعن جلد الذات لأن كلاهما عذاب ودمار للنفس ونفسك عليك حق أن تحافظ عليها.
وتصلح علي اد ماتقدر قبل الانسحاب والانفصال نحاول نركز في الايجابيات من العلاقة وليس السلبي فيها لو الابجابيات اكتر ممكن نعدي عشان الحياة تستمر علاقتك هي حياتك باهلك والديك ابنائك وزوجتك وزوجك اخواتك أصدقائك كل هذا يحب أن لا تنقطع علاقتك بهم او حتي تنجرح فحافظو علي العلاقات قبل فوات الاوان أو انسحبوا بهدوء في العلاقات اللي ينفع ومصرح الانفصال فيها إنما استمرار في علاقة مدمرة لا.
أعملوا اللي عليكم وحافظواعلي علاقتكم ببعض والباقي والتوفيق علي ربنا.
في علاقات بينهيها النصيب وبرضو لسه عايشه جوانا وعلاقات نهاها الكبرياء وفي علاقات انتهت بصمت كان اوجع من مليون كلام وفي الأخر الحنين بياخدنا بعد السنين ويرجعنا بالذكريات وبينتهي بينا الحنين بدمعه عين سوا دمعة حزن ع اللي فات او لمعة عين بالكبرياء
