أحدث أخبار الفن والرياضة والثقافة والمرأة والمجتمع والمشاهير في كل المجالات

حبيبه وام واخت . بقلم : محمد زيدان

حبيبه & أم & أخت : بقلم محمد زيدان

هذا ألنص على لسان إمرأه (بصيغه ألمؤنث)

حبيبيه وأم وأخت

أسفة .. مش هقدر أسمعلك .. أى مبرر خالص

ولا بئى عندى مساحة ف قلبى أديهالك

قرارك بإبعادى .. غيرنى لواحدة تانية خالص

واحدة غير إللى زمان إتسابت .. وإتحملت إهمالك

بواحدة إستحاله هتقبل

بأى وجود ليك تانى ف حياتها

حياتها .. إللى إتطورت للأفضل

يوم ما أصريت ع الخروج منها

بواحدة إستحاله هترجع

من تانى تهتم .. بأدق أدق تفاصيلك

**********************

كان حبى إلزايد .. أكبر غلطة وأكبر عامل

خلاك بسهولة تسيبنى بدال ماترده الضِعف

إحساسى وإنت سايبنى يوميها كان قاتل

زى إحساسك .. وإنت راجعلى ندمان بالحرف

راجع عن حكايتى بتسأل

وأملك ف فرصة .. إننا من تانى هنعيدها

وفاكر إنى هوافقك وا أقبل

بعد ما كل إلفرص .. قلبك زمان إستنفذها

بئى جوايا ألف حاجة بتمنع

أولهم وأهمهم .. إنك فقدت ف نظرى إحترامك

*********************

عارف إنت إيه مشكلتك

إنك هتموت ونفسك .. بس مع الأسف مش طايل

ضفرى بعد ما كنت مالكنى طول الوقت

لأنك ملقتليش بديله .. على قد ما قلبك قابل

لأنى كنت لك بمعنى ألكلمة .. حبيبة وأم وأخت

شوفت معايا فوق ماتتخيل

كنت ليك ولا أوفيليا اللى قومتلك بدورها

ومع ذلك … فضلت منى تنزل

وملقتش تقدير .. لأى مشاعر قلبى قدمها

فا مش منطقى أما ترجع

مهما بلغت درجه ندمك .. إن إيديا هامدهالك

******************

لأنى بجد .. مش هقدر أرجعلك من تانى خالص

ولا بئى عندى مساحة ف قلبى أديهالك

ولا بئى عندى الرغبة أكمل فيك أى شىء ناقص

وألأفضل .. إنك تركز ع اللى جاى .. من غيرى ف حياتك

*************************

ملحوظه : أوفيليا هى حبيبه هاملت من الجانب العاطفى فقط فى مسرحيه (مأساه هاملت) لويليام شكسبير

الشاعر : محمد زيدان

 

 

قد يعجبك ايضآ
اترك رد

لن يتم نشر عنوان بريدك الإلكتروني.