حفظت الدرس صمّيتهُ …للشاعر / أحمد النجار
حفظت الدرس صمّيتهُ
الشاعر أحمد إبراهيم النجار
أنا إللى جريت وراه وهمي
وصدّقتهُ
رميت قلبي فى بحر هواكِ
غرّقتهُ
أنا المخدوع وأنا الضايع فى أيامك
يا ريت قلبي ما عاش زمنك
ولا عرفتهُ
يا وهم كبير وحلم خيال وكدب سنين
أنا عيشتهُ
حفظت الدرس صمّيتهُ
وحبك جرح ونسيتهُ
وحُبك أيوه أنا بعتهُ
يا كدبة وعد كان خاين
خداع قلبك
وكان مخفي ومش باين
مرار من كاسك الداير
أنا شربتهُ
واااه وأهين على قلبي
إللى ضاع منى
فى غمضّت عين
وحُبك نار أنا سكنتهُ
يا صمت جبال بِلا إحساس
صحاري فى قُربك المشؤم
بعيش اليوم
جفاف مكتوب على حَجره
عِجاف حبك برود قلبك
سُكات إحساسك التايه
وأنا إللى بتوه على صمتهُ
وترجع تاني وتنادي
عنيكِ بصمت
تدور بيها ساعات الوقت
والاقي حبك الباهت
ينادي القلب
المزيد من المشاركات
وترجع روحي مشتاقه
لأني بشوقي إحساسي
وليكِ بَحب
ولا حُبك
فى يوم من إيدي ضيّعتهُ
لكن قلبك خريف ناشف
على ورقهُ
أنا الصارخ بشوق قلبي
وقلبك عاش بِلا إحساس
وعايش يومه وبفرحهُ
وأنا الدامع من الغربه
بعيشك وهم كان طارح
من الأشواك
خريف محتوم بِلا معنى
بِلا أشواق
أنا مهاجر خلاص ملّيت
من الماضي من الحاضر
واااااه يا فراق
خلاص إحساسي مات بيكِ
خلاص راحل أنا عنك
لا يوم هسكن لياليكِ
ولا هشتاق لبسمة غدر
فى عنيكِ
ولا ليا نصيب فيكِ
يا أصعب جرح كان مكتوب
على ورق الأنين دمعي
خلاص إسمك خلاص مشطوب
على صدري ومن زمني
خلاص حُبك هنا بيموت
وأنا إللى بموت
ومتكفّن هنا قلبي
بكفن حزني
خلاص حُبك أنا كارههُ
خلاص قربك أنا كرهتهُ
خلاص راحل ومتغرب
وهبعد عن نطاق زمنهٌ
أنا إللى جريت وراه وهمي
وصدقتهُ
رميت قلبي فى بحر هواكِ
غرقتهُ
