حقـائـق البشـر بقـلم الإعلامية شيماء ربيع

حقائق البشر

بقلم/ شيماء ربيع

حقـائـق البشـر الكذاب دايما شكاك ودايما بيشوف كل الناس كدابيين
والخاين بيشوف كل الناس خائنيين زيه
والطيب ما بيتعلمش من غلطه لأنه مهما قابل ناس وحشة مش بيستوعب وحاشتهم وبيفضل يتوسم الخير فيهم.

الدنيا علمتني ان الغلطان هو أول من يشتكي
الدنيا علمتني ان الظالم كلامه كتير عن المظلوم
الدنيا علمتني الصبر علي البلاء وما زعلش علي الخسارة لان ربنا بيعوض بأكتر من اللي خسرته باللي شايفه ليك
الدنيا علمتني ان لما حد يغتابني او يغلط في حقي أو يتبلي عليا مزعلش منهم لكن أزعل عليهم
وأن دول ربنا سخرهم لي علشان أخاد حسنات وأكتشف بيهم حقيقة ناس تانية.

الدنيا علمتني أن السكوت أفضل رد علي السفهاء
الدنيا علمتني أني ما دام ماشي في الطريق الصح ما يهمنيش من حد واللي يقول يقول ربنا بيبين الحقائق في الوقت الصح.

الدنيا علمتني ما أندمش علي اي قرار أخدته حتي لو غلط وأستحمل نتيجته وأتعلم منه
الدنيا علمتني أبقي بوش واحد وكلام واحد ورأي واحد
الدنيا علمتني أبقي أد كلامي وقد وعدي
الدنيا علمتني أن اللي تعمل معاه خير ويقلل منك قدام الناس حقير بيجيله اللي يقلل منه ويمشي وراه مذلول
الدنيا علمتني أسمع بودني وأدور علي الحقيقة بنفسي وأتأكد وما حكمش علي حد من اللي بسمعه وما ظلمش حد.

الدنيا علمتني أسمع من الطرفين لان في ناس أخبث من أنهم يبينوا حقيقتهم وفيه ناس وضوحهم بيظلمهم
الدنيا علمتني أن أصحاب الضمير والقلب الحي نعمة واللي قلبه حجر ما يساويش ولو يملك مال قارون وجمال سيدنا يوسف.

الدنيا علمتني أن المكسب الوحيد ان ابقي انا زي ما انا عايز أكون مش زي ما أي حد عاوزني أكون
الدنيا علمتني أن احقر الناس هو اللي يستغل حبك ليه لفترة ويستغني عنك في لحظة عشان مصلحة جديدة
الدنيا علمتني أن عيلتي هي أهم أنجاز في حياتي
وأتعلمت ان اللي بيعمل حاجة فعلا بتترد ليه بنفس الطريقة بالمثل.

وأخيرا علمتني ان جبر الخواطر سحر
والسعاده اللي الواحد بيحس بيها بعده لا تقارن بشئ

وان الحب والوفاء اللي بتقدمه بيرجعلك أضعاف مضاعفة