حلم بعيد … بقلم / محمد ابو زيد
حلم بعيد
بقلم / محمد ابو زيد
احلامك أوامر هتشوفها وتلمسها
استعين بالله والحزن نهايته غنوة
حلم ليل نهار علي بالي وطيفه ولا بيفارق خيالي
مستني يقولوا للصبر نهايه
مستني الكلمه الحلوة اللي هتغير معاني جوايا
وتكون سبب في صلاح حالي واجمل بدايه
بدعي واقول يارب
ومين غيرك عالم بطول صبري علي أحلامي .
كلمة بألف غنوة تغير الكون حوالية
وليك بغني واعيش يا فرحه عمري ونور حياتي
وأملي وعمري اللي جاي وأجمل حكاية.
سما فرحه عمري
سما هيه أسمك
سما هيه عمري
سما بشوف في نفسي
سما بشوف فيها كياني
سما باخد منها نور أفكاري
حلمت بيكي غنوة علي الشفايف
حلمت بيكي فرحه العمر اللي جاي
حلمت بيكي أملي وأحلامي وبدايه أيامي الحلوة
زهرة شبابي رجعت بوجودك
يا احلي عمر وسعادتي وهنايا .
لحظة شوق
لحظه تتكتب بدايه عمر
قلب ملهوف من الشوق ياما اتنهد بأسمك
بيسابق الزمن لكلمه تغير كل المعاني
بلهفة وشوق مستني
شهادة ميلاد أسمك قبل اسمي
بيذيد الاحساس وتذيد الدقات
بيخلص الانتظار وترجع الاشواق
يقولوا اصبر وانا اقول في الصبر موال
هتعدي السنين وتمر السنين
وتعرفي ان بحبك قبل ما يجي طيفك حتي يزرني
كلام هفضل شايله ليكي وفي يوم تشوفي
قد ايه بحبك ومستني يوم ما تيجي وهواكي يلمس قلبي وتبقي في دمي والعمر كله ليكي
واعيشه العمر بألف عمر وانا جمبك
يارب قرب يوم اللقاء وهات علي صبري الف صبر
ويا قلبي داري وداوي علي الحبايب .
أجمل صورة شفتها عنيه
سرحت في صورتك
تهت في ملامحك
يا تري هتكوني شبهي
اسمك سما وفيكي نور رباني
هاخد من عمري واديكي
هغني باسمك طول ليلي
هكتفي بيكي من الزمان
وهرسم صورتك في كل مكان
من براة الوجه غنيت
ومن جمالك وما حسيت بروحي
لقتني بتشد وبكتب موال
احساس جميل لما ينادوا عليك
ويقولوا مبرووك جالك بنت ذي القمر .
