دارى بقلم : غرام نعيم
داري
بقلم : غرام نعيم
المزيد من المشاركات
داري على شمعتك
علشان تقيد وتزيد
واحسب بقى خطوتك
لأحسن تتوه سكتك
وتتلخبط المواعيد
وتلقى القريب بعيد
لا كل من بوحت له
بالسر يعني أمين
ولا كل رزق يجيك
بيسر ناس تانيين
ولا اللي شاف فرحتك
زيك حيبقى سعيد
داري على شمعتك
تحفظ نعم وتدوم
فيه نفوس ياما ضعيفة
ماتحب خير للغير
قلوبها مش نضيفة
ولا تتمناش الخير
ده عيون كثير بتصيب
وتغير الأحوال
تفلق حجر نصين
وتنهي حياة واتنين
شوفنا كثير العجب
أوعاك تقول ده حبيب
ولا صاحب ولا قريب
ده كثير كده في الوش
ابتسامات بتغش
فيه ناس كده بميت وش
أصل اللي في القلوب
زي القدر مكتوب
لكنه بقى محجوب
يكفينا رب الخلق
شر العباد والخلق
غرام
