دجاج الحاتي المشوي مقدم من ناهد هشام

دجاج الحاتى المشوي مقدمة من ناهد هشام مدة التحضير 25 دقيقة مدة الطهى 45 دقيقة
المقادير
التتبيله هتكون لعدد 2 دجاجه متوسطه الحجم وزن كيلو وربع الى 2 كيلو
1 بصله كبيره مقطعه مكعبات
1 فلفل رومى اخضر مقطع مكعبات
1 حبه طماطم كبيره مبشورة
ملعقة بهارات دجاج
1 ملعقه بابريكا كبير
2 فص ثوم كبير
معلقتين كبار خل ابيض
1 معلقه كمون
5 ورقه لوره
ملعقة كبيرة زيت زره
ملح وفلفل اسود
2 ملعقه كبيره صلصة طماطم
الطريقه
بعد غسل الدجاج بقطعها على نصفين من عند سلسله الظهر ولو تعرفى تشيلى سلسله الظهر دى يبقى جيد وتشرحيها بسكينه حاميه من الاوراك عشان تشرب التتبيله دى كويس بعد كده هضع كل المكونات اللى قلت عليها دى فى الخلاط وبضربها جيدا لحد ماتنعم معايا جدا وهتضرب سهل معاكى فى الخلاط عشان الزيت والخل اللى فيها هضيفها على الدجاج وتترك فيها حوالى 4 ساعات قبل الشوى وياريت اكتر كمان كل ما التتبيله تقعد فيها كل ما الدجاج طعمها وريحتها هتكون احلى واجمل بكتير وبعد كده هشوى الدجاج على الفحم او اوعلى شبكة فى الفرن زى متحبى
رئيس قسم المطبخ أ / جيهان جعفر