أحدث أخبار الفن والرياضة والثقافة والمرأة والمجتمع والمشاهير في كل المجالات

(دعوة للعقل) ٣ الجزء الثالث اسئلة منطقيه

(دعوة للعقل) ٣ الجزء الثالث
أسئلة منطقيه ..

بقلم /صموئيل نبيل أديب

 

لماذا الحظر المسائي؟ لماذا إيقاف السحب من البنوك؟

١ – لماذا الحظر من ٧ الي ٦ ص؟ هو الفيروس بينام مثلا و لا الناس لما تسيب الشوارع للفيروس ف هو هيزهق و مش هيلاقي حد يلعب معاه فيمشي من البلد؟؟؟
..الفيروس يعيش علي الأسطح زي السلالم و مقابض الباب الخ بحد أقصى ٩ ساعات بعدها بيموت.. فلما الناس تبعد ١٢ ساعه انت ضمنت أن الفيروس المتواجد في أي ميكروباص/ أتوبيس /مترو /قطر.. حنفيات عامه / مصالح حكومية مات خلال الفتره دي..

2- لمادا وضع حد اقصى للسحب النقدى من البنوك ؟ دى مش فلوسنا ولا ايه ؟..
دى تعلميات اقتصادية ..وقت الكوارث الناس بتسحب فلوسها من البنوك ..هذا يؤدى الى حدوث عجز فى جميع البنوك ..و ممكن يعمل شلل للقطاع المصرفى ..من ناحية تانية..لو كل واحد سحب فلوسة وراح اشترى بيها بضاعه و أكل و خزنهم.. البلد هتصحى الصبح مافيهاش حتى كيس أرز . اللي محوش ٥٠٠ الف هيشترى كارفور و اللي محوش تلاثين مش هيعرف يعمل حاجه.. ..اللى معاه فلوس هيتشرى كل الاكل و اللى مش معاه هيموت .. فلازم الحكومات تتدخل و توقف سحب الفلوس حماية للطبقات الفقيرة

3- ما نعمل حظر شامل و خلاص و نرتاح في البيت؟
سيبك أن محدش طايق قعدة البيت يومين على بعض مش اسبوعين و سيبك من أن حالات الطلاق هتكون كتير جدا .
حظر شامل يعني كل الأكل اللي بيجي من مصانع برج العرب اسكندرية و مصانع أكتوبر مش هيروح الصعيد.. ده بفرض أن المصانع دي هتشغل و العمال عارفه تيجي الشغل.. و بالمثل اي خضار أو فاكهة في الصعيد مش هتيجي القاهرة.. يعني جوع رسمي مهما كنت غني و اشتريت السوبر ماركت كله.
.. فيه ٦ مليون موظف قطاع خاص في مصر. طالما مفيش شغل يعني مفيش دخل والنتيجة كارثة اجتماعية..
… حضرتك جاتلك (بعد الشر) الزائده الدودية أو مراتك هتولد.. تروح المستشفى بعربيتك الملاكي.. مش هتلاقي دكتور يعالجك.. ليه؟ لأنه مافيش مواصلات تجيب الدكتور من البيت علشان سواق الميكروباص /القطر/ المترو مش موجود..
… و قس على ذلك أي خدمات أخري زي انقطاع المياه أو انقطاع الكهرباء أو خط التليفون. و الانترنيت .

….
4- ما الدولة تدى مرتب لكل واحد و نقعد في البيت فتره..؟
علي موقع الحكومة لتسجيل العمالة غير المنتظمة اتسجل مليون وأربعمائة ألف شخص طالبين ال ٥٠٠ جنيه اللي اساسا لا تكفي عائله يومين
يعني عايزين مبلغ
٧ قدامها ٨ اصفار سبعمائة مليون جنيه
تخيل؟؟؟؟
دي مجرد ٥٠٠ جنيه مش مبلغ يعني..

5- ما اللي يموت يموت.. محدش بيموت ناقص عمر و الإنفلونزا موتت أعداد أكبر من كورونا. لزمتها ايه الحظر؟
الكورونا بيدمر خلايا الرئه لو أتمكن منك.. تخيل تموت و انت مش عارف تاخد نفس زي الغريق.. . علشان تتعالج محتاج تقعد اسبوع على الاقل في جهاز التنفس الموجود في العناية المركزة… احسن مستشفى عادية في العالم فيها يدوبك ١٠ أجهزة من الجهاز ده لأنه غالي جدا و بياخد وقت في تصنيعه .. و لو مستشفي تخصص صدريه بيكون فيها ٣٠ جهاز دي لو مستشفي فخمه..
يعني مثلا لو عندك ٥٠٠ مستشفي علي مستوي مصر *٣٠ = ١٥ الف جهاز بس
يعني لو اتصاب ١٠٠ الف زي أمريكا . هيموت منهم ٨٥ ألف.. ياترى تحب تكون انت ولا امك ولا ابوك ؟؟؟ و تستحمل تشوف ابوك بيموت قدام عينك و انت ساكت؟؟

٥- نسب الشفاء من كرونا عاليه. خايفين ليه؟
كورونا فيروس متحور.. انتقل من خفاش ل انسان يعني ممكن يتحول الي فيروس قاتل بدرجة أكبر… و نسب انتشاره العاليه بتؤكد تخوف الأطباء من تحوله ل فيروس قاتل
.
* اخيرا كل ما تتخنق من القعده. صلي و ادعي للمشلولين و المرضي اللي قاعدين في البيوت من سنين طويله.
ربنا يرحمنا كلنا.

(دعوة للعقل) ٣ الجزء الثالث أسئلة منطقيه .

 

قد يعجبك ايضآ
اترك رد

لن يتم نشر عنوان بريدك الإلكتروني.