رفيق رسمي يكتب …ليه ربنا خلق جوانا غرائز وبيحاسبنا عليها ٢
ليه ربنا خلق جوانا غرائز وبيحاسبنا عليها ٢-الغريزه ( ٣ من ٣ )
رفيق رسمي
أولا لازم نعرف كقاعده عامه في كل العلوم بلا استثناء فيه علماء كتير اتكلموا وحطوا نظرات كتيره بعضها يختلف عليه الآخرون . وبعضهم طور وحدث اواضاف أوحذف في تلك النظريات . فدا عادي جدا في معظم العلوم . من غير وجع دماغ . أنا باحاول ابسط المعلومات للغايه علشان أجاوب علي عنوان المقال
الغريزه وتسمي أحيانا الدافع ، دي حاجه موجودة في الجينات الوراثية لكل البشر بلا استثناء . مغروسه فيه منذ الولادة ( علشان كده سموها غريزه ) ولايتم تعلمها .يعني مافيش حد ييجي يقول ماعنديش .لكن تختلف درجه شده الغريزه او ضعفها أو القدره علي تطويرها اوالسيطره عليها من واحد للتاني حسب الجينات إللي ورثها من عائلته ( وإنت وحظك ونصيبك) وحسب الذكاء ،وحسب جوده التدريب. .
ويتميز البشر بان الله اداهم حاجه اسمها عقل دا موجود في المخ اللي هو موجود في الدماغ . فيه جواه حاجه تانيه اسمها الاراده والذكاء و بالتدريب المستمر والتعليم والتدريب الصح في سن صغير ممكن بسهوله يسيطروا علي غرائزهم ويتحكموا فيها. علي حسب درجه ذكاءه وقوه ارادته . لكن الحيوانات لاء صعب جدا ان لم يكن مستحيل ان تسيطر علي غرائزها . فغريزتها هي اللي بتتحكم فيها . طب الغرائز دي ربنا خلقها جوانه ليه؟ . علشان تدفعنا دون إرادتنا للحياه بكل أبعادها وتضمن سلامه حياتنا و الحفاظ عليها. واستمراريه الحياه علي الارض. علشان كده بيسموها أحيانا،( دافع ) لانها بتدفع الإنسان إنه يقوم بنشاط معين . الغرائز معقده للغايه مرتبطة بكمياء الجسم والاعصاب والمخ و إفرازات الغدد والهرمومات . ويركز بعض العلماء علي العواطف والاحاسيس والمشاعر وانها هي المؤشر الأساسي اللي بتوضح للإنسان إنه عاوز يشبع غريزته .
وفي الغربزه كل شيء زاد عن حده أتقلب ضده فالانحراف شمالا أو يمينا خطأ كلي وقد يسبب مرض يحتاج احيانا علاج واحيانا يسبب تعب والم ( بشكل معين ودرجات مختلفه ) إلي من قام و انحرف بها ولم يسيطر عليها
أولا شويه امثله عن الغرائز طبعا مش حاقولها كلها علشان ماطولش عليكم
أولا غريزه حب البقاء وهي تشمل مجموعه مركبه ومعقدة من الغرائز معا . غريزه الخوف والالم والقلق والاحباط . والهروب والعدوانيه ووو ، فلو ماعندكش الغريزه دي مش حتقدر تحافظ علي حياتك وتحميها من اي تهديد . فلازم ( تخاف) علي حياتك مش بمزاجك دي حاجه جواك تدفعك لكده . وطبعا فيه خوف صحي وخوف مرضي . الخوف الصحي يخليك تحميها من الخطر الحقيقي. والخوف المرضي .إنك تتوهم مخاطر مش موجوده اساسا . –والالم مهم للغايه سواء جسدي أو نفسي عاطفي . فلو ماحستش بألم من بطنك مش حتروح لدكتور. ولو ماحستش بألم نفسي من تجربه فاشله ح تكررها وتستمر في الفشل. لكن لو تألمت منها ح تطور وتغير وتعدل مسار حياتك. ونفس الحكايه علي العدوانيه علشان تدافع عن نفسك وقت الخطر . مش للبلطجه وتخوف الاخرين ليخصعوا لك.
_—غريزه الجوع والعطش ، الطعام والشباب . إذا زادت .بقيت طخين وتزيد الامراض. وإذا امتنعت عن اشباعها ضعفت وهزلت وأصبحت معرض للمرض والموت. –، وغريزه الجنس .لم يوجدها الله داخلك للانجاب فقط . وهذا هدف جوهري لوجودها فيك لاستمرار الحياه . لكنها أيضا . لأسباب عديده جدا منها ، لاستمرار الحياه بين الزوجين .لإنه من الطبيعي إن يحدث خلافات ولكن الحاجة إلي الحب والجنس يدفعهما لتجاوز خلافتهما . وهو عامل مهم لانجاح الزواج إذا كان بينهما توافق جنسي . وهو أيضا يتم به ازالت التوتر وعدد من الضغوط في الحياه . ولكن الله شرع له الزواج .لإنه خارج الزواج له مشاكل عديده للغايه. نفسيه وصحيه وجسديا ومجتمعيا وماديا وروحيه وهو يحتاج سلسله من المقالات بمفردها . تأخر سن الزواج هي مشكله خلقها المجتمع الحديث من تعقيداته وهو ليس مجال مناقشتها الان ، —غريزه حب الاستطاعة أو الفضول ، غريزه حب السيطره ، غريزه حب التملك أكثر واكثر ،غريزه حب التوفير في الوقت والجهد المال. – غريزه حب الراحه –
دي نماذج قليله من الغرائز –
نحاول طرح رأى في عنوان موضوع المقال –
وده في المقال الثالث والاخير في المره اللي جايه
لقرائة الجزء الاول من المقال
رفيق رسمي يكتب …ليه ربنا خلق جوانا غرائز وبيحاسبنا عليها
رفيق رسمي