سما المصري مديرة تسويق ناجحه

كل المواقع , والقنوات , والسوشيال ميديا , بتتكلم عن البرنامج الديني اللي سما المصري ناويه تقدمه لكن انا حابب اتكلم في حاجه تانيه خالص بس في البدايه اسمحولي اشيد بذكاء الفنانه سما المصريه لاني حسيت للحظه انها مديرة تسويق شاطره جدا , وده لان سما تقدر تلفت الانظار ليها في الوقت اللي هي تحدده وبطرق مختلفه وفي توقيتات مختلفه يعني بدأت سما المصري تواجدها بفيلم اثار الجدل في وقتها وعملها انتشار كبير لانها اعتمدت على الاغراء بقوه وبعد فتره ولما حست انها اختفت شويه بدأت تعمل كليبات خليعه جدا وخصوصا ضد الاخوان وبردو الكليبات دي اخدت وقتها لغاية مافتحت قناه فضائيه سمتها “فلول” وحتى في اختيار الاسم كانت ذكيه لانها كانت كلمه لسه جديده علينا في المجتمع المصري وبردو اول ما بدأت القناه تهبط روجت اشاعه انها اتحجبت وذاعة قناة فلول وقتها قرآن على مدار يومين ولما الحكايه دي خلصت قفلت القناه واختفت خصوصا بعد مشكلتها مع المستشار مرتضى منصور وشويه كده وبعدين ابتدت تظهر بصور اخرى مثيره للغرائز وانهتها بإشاعة انها هاتقدم برنامج ديني علشان الاعلام والسوشيال ميديا يقوموا ومايقعدوش.
سما عرفت من البدايه ازاي تلاعب الناس وتظهر وتختفي وقت ماهي تحب حتى انا اهو خليتني اكتب عنها وبصراحه انا مش ضدها لاني بأحترم الذكاء عامة بس يا سلام لو كان متوظف في الطريق الصح علشان كده بقول لسما المصري انتي مديرة تسويق شاطره بس ناقصك تستخدمي ذكائك ده في الطريق الصح.