أحدث أخبار الفن والرياضة والثقافة والمرأة والمجتمع والمشاهير في كل المجالات

شوربة السى فوود مقدمه من شيف شوشو عرابي

الشوربة السى فوود

مقدمه من شيف شوشو عرابي

فطار سى فوووود فسفووووور
خلينا نتفق ان البوست ده طويل شويتين بس يستاهل
شوربة السى فوود الجبارة بشهادة كل اللى داقها
فى طاسة على النار هنحط معلقتين زبدة و3 معالق زيت + بصلة مفرومة + م ك ثوم مفروم ونقلب لحد ماتبدا تتدبل نضيف م ك كرفس مفروم + مكعب مرقة + ملح وفلفل ونقلب وانزل الكابوريا الاول واقلب 5 دقايق كده وانزل الجمبرى المقشر وقطع الكاليمارى والبكلويز واقلب واضيف ماء ويادوبك 15 دقيقة وبتكون جاهزة هضيفلها كوب كريمة طهى وقطع السلطعون واطفى عليها
رز الجمبرى بالكارى
اول حاجة هنتبل الجمبرى بملح وفلفل وكارى ونص م ص ثوم مفروم ونحطه على النار ٧ دقايق بس ونطفى عليه
بعد كده هنحط مكعب زبدة وانزل بالرز واضيف ملح + ١/٢ م ص كركم + م ص كارى + ماء + مكعب مرقة  واول مايقرب من مرحلة السوا اضيف الجمبرى وقبل التقديم اضيف قطع السلطعون ويتقدم وبالهنا والشفا طعمه خيالى
الجمبرى المسلوق
كيلو جمبرى هنغسله كويس ونتبله ببصلة مفرومة + م ك ثوم مفروم + م ص كمون + ١/٢ م ص فلفل + ملح ونقلبه كويس ونضيفله ماء مش بياخد اكتر من ٧ دقايق على النار
السبيط المقلى
شرايح سبيط بنتبلها ب ملح + فلفل + كمون + ثوم مفروم وعلى النار نضيفلها ماء مغلى واول ماتستوى نحطها فى دقيق ونقليها فى زيت وسط وفى طريقة تانية ليها كنت نزلتها قبل كده من غير قلى بتكون شبه البانيه وكرسبى اكتر

السمك يحتوي على نسبةٍ عاليةٍ من فيتامين د، وخاصّة الأسماك الدهنيّة؛ كالسلمون، والإسْقُمريّ لكن تجدر الإشارة إلى أنّ كميّة فيتامين د في السمك تختلف تِبعاً لنوعه، وكميّة الدّهون الموجودة فيه، بالإضافة إلى موسمه ويُساعد هذا الفيتامين على الحدّ من خطر الإصابة بالأمراض، ويُعزّز صحّة العظام، ويُشار إلى أنّ الحصّةً الواحدةً من سمك السلمون التي تُعادل 85 غراماً تُزوّد الجسم بـ 75% من الكمية المُوصى بها يوميّاً من فيتامين د. الأوميغا 3: تتميّز الأسماك الدهنيّة باحتوائها على نسبةٍ عاليةٍ من الأحماض الدهنيّة أوميغا 3 التي تُعزّز وظائف الجسم والدّماغ، وتحدّ من خطر الإصابة بالعديد من الأمراض، وتدعم نموّ الجسم، كما أنّ حمض الدوكوساهيكسينويك ؛ وهو أحد الأحماض الدّهنيّة أوميغا 3 يُحسّن نمو العين والدّماغ، ويُنصح تناول حصّة واحدةٍ أو حصّتين من هذه الأسماك أسبوعيّاً؛ لتزويد الجسم بحاجته من أوميغا-3

والف هنا

رئيس قسم المطبخ ا سمسمه سعد

تابع ايضا كفته  بالبطاطس مقدم من الشيف محسن المعموري

قد يعجبك ايضآ
اترك رد

لن يتم نشر عنوان بريدك الإلكتروني.