“صوتٍ يهمس بداخلنا” بقلم دعاء خطاب

(( inner voice ))!! 

أوقات يدخل حياتنا ناس،
أو نتحط في مواقف وأماكن
نحس فيها من بعض تصرفات
وكام “مؤشر مهم” بيقولوا إن فى
حاجه ” غلط”..ومع ذلك بنختار
أحيانا تجاهلهم!!
لو الشعور ده اتكرر.. “اوعى”
تتجاهل وجوده أكتر من كده؛
لأن ده معناه إن فعلا فى حاجه
خطيره غلط!!!!
الصوت الداخلى اللى بيهمس
جوه كل واحد فينا ونتجاهله؛
(( inner voice ))
علشان لينا رغبه في الشئ ده
و عايزينه بشده”بيضللنا”.. بلاش
نضحك على نفسنا ونفتكر إن
بسكوتنا على اللى قلقنا..وصبرنا
عليه حيخلى شئ يتغير، والشئ
اللي متعب في بدايته وغير
واضح ومبهم.. بالوقت حيزيد
غموض وتوتر..والحاجه اللي
مش قادر تعلن عنها وتتكلم فيها
مع اللي يهمهم أمرك بصراحه،
مقدماتها من البدايه خطأ،

وأي شئ اخد من راحه بالك؛

ببساطه غلط!! 

زى ما بنتبع احاسيسنا فى الحب
والعشق والارتباط وغيره؛
لازم كمان نتبع احاسيسنا تجاه
الأشياء اللى من النوع ده؛
اللي بتطلق صفارة إنذار لعقولنا
علشان تنبهنا إن الطريق غير آمن
للسير فيه للنهايه.

قال صل الله عليه وسلم :

“اسْتَفْتِ قَلْبَكَ، وَاسْتَفْتِ نَفْسَكَ
ثَلَاثَ مَرَّاتٍ،” الْبِرُّ” مَا اطْمَأَنَّتْ
إِلَيْهِ النَّفْسُ، “والْإِثْمُ “مَا حَاكَ فِي
النَّفْسِ، وَتَرَدَّدَ فِي الصَّدْرِ، وَإِنْ
أَفْتَاكَ النَّاسُ وَأَفْتَوْكَ”

“الكائن الصغير الذي يهمس
بداخلنا يحتاج اذن تسمعه”🥀