صورة فى خيالى …. بقلم / فاطمه ابو سلامه
صورة فى خيالى
بقلم / فاطمه ابو سلامه
رسمتله صوره ف خيالي
يمكن محدش شافها غيري !
صوره بتقول استحاله
تبقى خاين أو أناني
ولا يمكن برضه
تبقى جاني
شوفته خالي من العيوب
قلب غير كل القلوب
كياان كبير عالي اووي
ملاك وخالي من الذنوب
شوفت كنت في عيني ايه؟!
كنت لي أمن وأمان
طاقة نور صدق وحنان
قلب عمره يوم ما يهجر
مخلص أمين ولا مره خان
المزيد من المشاركات
واهي دي كانت صورتك في عيني
أما قلبي ……
كنت له يعني الحياه
حب ما تعرف مداه
نبض بس يقول بحبك
عشق بالغ منتهاه
وأما روحي ….!
فروحي ماتت ألف مره
وعاشت تايه في غربه مُره
تحلم في ليلها باللقا
تتمنى يومها تبقى حره
كنت عيني ..نبض قلبي .. عشق روحي
عرفت تبقى ليا ايه؟!
فاطمه أبو سلامه
