طريقة عمل بوريك بالجبنة مقدمه من الشيف المتميز حسن كمال
بوريك بالجبنة مقدم من الشيف / حسن كمال حسين مدة التحضير25 دقيقة ومدة الطهى 15 دقيقة المقادير
4 كوب دقيق
1 كوب زبدة
3 معلقة صغيرة خميرة
2 معلقة صغيرة ملح
3 معلقة صغيرة سكر
جبنة للحشو
للوجه: بيضة وسمسم وحبة البركة
ماء دافئ للعجن
طريقة التحضير
دوبى الخميرة فى قليل من الماء الدافئ
واخلطى كل المقادير ثم ضيفى إليها الخميرة
ثم ضعى باقى الماء تدريجيا
اعجنيها كويس قوي لحد ما تبقى عجينة طرية ومتماسكة
غطيها وسيبيها ترتاح وتخمر
قسمي العجينة كور صغيرة وابدئي احشيها ولفيها (حسب الرغبة)
تترص في صينية مدهونة بالزيت، ونكون مسخنين الفرن على 180
اخفقي البيضة كويس وحطي لها رشة فانيليا
ادهني وش البوريك بالبيض وحطي عليه سمسم وحبة البركة
يترص في الصينية ويدخل الفرن ربع ساعة او لحد ما يبقى لونه ذهبي
يخرج من الفرن، وسيبيه شوية لحد ما يهدا
حطيه في الطبق وقدميه مع شاي
والف هنا
