طريقة عمل جانوه فانليا مع المبدعه دينا عمر

جاتوه فانيليا
مقادير السبونج **
نص كيلو دقيق تورته ابيض _ 8 بيضه _ ربع مج ماء _ فانيليا

طريقة السبونج **
اضربى كل المكونات مره واحده لحد ما تبقى كريمى على الأقل ربع ساعة وهاتى الصينيه الكبيره فى الطقم المستطيل وحطى ورقة زبده فى القعر وادهنى اجناب الصينيه وورقة الزبده بفرشه زيت وانزلى بالخليط ودخليه الفرن على 180 ويكون شغال من قبلها بربع ساعه

الحشو **
قطعى السبونج نصين بالطول وكل نص قطعيه طبقتين هيبقى عندك 4 طبقات افردى اول طبقة وادهنيها بفرشه شربات خفيف وانزلى بالكريمة وافرديها وانزلى بتانى طبقه وفرشة شربات وبعدين الكريمه والطبقة التالته عليها وافردى كريمه على الوش وجزعيها بالسكينه المشرشره وقطعى الحروف متساوية بالسكينه المشرشره وأهم حاجه كل مره هتنزلى بالسكينه وتطلعى لازم تمسحيها كويس بمنديل وبعدين تقطعى تانى
هيتبقى عندك طبقه رابعه قطعيها 6 قطع وكل 3 قطع فوق بعض اعملى منها قطعة جاتوه بنفس الشرح

الكريمه **
ربع كيلو كريمه خام سادة بدون سكر _ نص كوب سكر بودره _ كيس لبن بخيره نص لتر مثلج
حطى كل المكونات فى طبق واضربى لحد ما تبقى كريمى

أشكال بورق الترانسفير **
سيحى شيكولاته خام بيضاء أو بنى على حمام مايه وهاتى أشكال الترانسفير وصبى الشيكولاته بالملعقه في الترانسفير وهزيها وسبيها تبرد وبعدين طلعيها

التزويق **
بقمع الكريمه اعملى روزتات فوق ووزعى أشكال الترانسفير والكريز زى ما تحبى وبالف هنا