طريقة عمل الدجاج المقرمشه كنتاكي  مقدمه من مطبخ مني صالح

طريقة عمل الدجاج المقرمشه كنتاكي

مقدمه من مطبخ مني صالح

مده التحضير ساعة

مده الطهي ربع ساعة

احلى طعم الدجاج المقرمشه كنتاكي
وصفه سله جدا والطعم احلى من الجاهز
….
نقول بسم الله
هاحتاج فرخه كيلو و٢٠٠جرام
مقطعه ٨قطع
نغسلها كويس اوي ونصفيها
نفتح كل قطعه فتحات بسن السكينه
ونحاول نكشف العظم شويه
ننزل بالفراخ في كيس تلاجه حجم كبير شويه
وننزل عليها بالبهارات
ملح
فلفل
كمون
كزبره جافه
كركم
مرقه دجاج بودر
كاري
بابريكا
توم بودر
بصل بودر

مسطرده بودر او معلقتين كبار مسطرده
حبهان لورا وبصله مقطعه وفصين توم مقطعين
وندعك كل الفراخ بالتوابل كويس جدا
وننزل عليها ب لتر ميه ونقفل الكيس كويس جدا ويبات ليله في التلاجه
….تخرج بعد يوم من الثلاجه ونصفي الفراخ من المياه ونحافظ بالمياه المبهره

تابع ايضاطريقة عمل كيك الشاي
نجهز كوبين دقيق كبار وعليهم معلقتين كبار نشا ونضيف من كل البهارات السابقه نصف ملعقه من كل نوع ومعلقه كبيره من مرقه الدجاج البودر ونقلب الدقيق والنشا والبهارات كويس ناخد ثلاث قطع ونتبلهم بالدقيق المبهر مع التقليب المستمر ونغطي الفراخ كويس بالدقيق من كل النواحي وفي الفتحات وننزل بمل قطعه في المياه المتبل وتكون مثلجه علشان نحافظ على القرمشه ننزلها حوالي ثلاثه ثواني وترجعها تاني في الدقيق ونتبلها مره تانيه مع الضغط عليها علشان نوصل للشكل الخارجي المظبوط
نكون مجهزين لتر من الزيت في حله غويطه يسخن كويس ننزل بالفراخ ومانكترش القطع علشان الزيت مايبردش مننا ويحافظ على درجه حرارته ونخللي بالنا ان ماتكونش درجه حراره عاليه زياده علشان نحافظ على التسويه المظبوطه للفراخ من الداخل والخارج
بتاخد وقت من ١٢دقيقه الي 15 دقيقة

يُعدّ الدجاج من الأغذية المفضلة وشائعة الاستهلاك لفترات طويلة من الزمن، فهو خيارٌ صحي، وقد ينصح به أحياناً كبديل للحوم الحمراء؛[١] لأنّه من اللحوم البيضاء الغنية بالبروتين، كما يحتوي على كمية قليلة من الدهون مقارنة بالأغذية الحيوانية الأخرى، كاللحم البقري، وهو بذلك مناسبٌ للأشخاص الذين يتبعون نظاماً غذائياً عالياً بالبروتين، ومنخفضاً بالدهون

والف هنا

رئيس قسم المطبخ أ سمسمه سعد