طريقة عمل الكشري المصري في البيت مقدم من شيف لاروز
طريقة عمل الكشري المصري
مقدم من شيف لاروز
مده التحضير ساعة
مده الطهي ساعة
المكونات
بصل ولو متوفر بصل ابيض
كوب شعريه
كوب ونصف ارز
كوب عدس اسمر منقوع
كوب حمص منقوع
2 كوب مكرونه او نصف كيلو مشكل
للصلصه ودي تتميز الكشري البيتي من بتاع المحلات
2 كوب عصير طماطم
ملعقه ثوم مهروس
ونصف ملعقه ص كمون
ورشه فلفل اسمر
للدقه
ثوم مهروس
وخل
ونصف ملعقه كسبره
ونصف ملعقه كمون
نصف ملعقه ملح صغيره
شطه الزيت
ثلاث ملاعق زيت
ملعقتين شطه كبار
ملعقه صغيره ثوم
طماطميه مقطعه صغير
الطريقه
طريقة عمل الكشري المصري
تابع ايضا طريقة عمل المعجنات في البيت
نقطع البصل شرائح ونرشه بملعقه ملح وملعقة كبيرة نشا
ويقلب جيدا ويقلي فالزيت
هنسلق الحمص في ماء
نأخذ من زيت تحمير البصلة 3 ملاعق كبار ونضع عليهم الشعريه تتحمر ننزل بالارز ونشوح وبعدها نغسل العدس جيدا بعد النقع ونصفيه جيدا وننزل بيه علي الارز ويقلب لما الماء يجف منه ننزل بحوالي كوبين من الماء ورشه ملح ويغطي ويكون الماء مغطي الارز بعقله يغطي لما ينضج مع التقليب من وقت لاخر حتي النضج
هنسلق المكرونه مع رشه ملح وزيت ثم تصفي وتترك جانبا
بالنسبه للصلصه
نضع عصير الطماطم في وعاء علي النار ولما يغلي ويركز
هنجهز تقليه عباره عن ملعقه كبيره من الثوم المفروم
هننزل بملعقتين من الزيت ال حمرنا فيه البصل ونصف ملعقه كسبره ويقلب اول لما ياخد لون ذهبي ننزل بيه عالصلصه بعد ما ركزت ونصع نصف ملعقه كمون وملح ونتركها تغلي غلوه واحده ونطفي عليها
بالنسبه للدقه
هنغلي نصف كوب ماء ونضعه علي الثوم وكمون وملح ونصف كوب خل وكسبره جافه وكمون
بالنسبه لشطه الزيت
هنضع في وعاء عالنار الزيت وننزل عليه بالثوم ومتخليهوش ياخد لون وبعدهابالشطه والطماطم ويقلبوا ويرفعوا من عالنار
نقدم الكشري
نحضر طبق التقديم ونضع الارز ثم العدس وعليه المكرونه ثم الحمص وعليه الصلصه ولكي حريه الاختيار ممكن تزيني الطبق راقات ويقدم معاه الصلصه والدقه والشطه
والف هنا
رئيس قسم المطبخ أ سمسمه سعد