طريقة عمل  كيك بأحلى كريمه بيتي مقدمه من مطبخ مني صالح

طريقة عمل  كيك بأحلى كريمه بيتي

مقدمه من مطبخ مني صالح
بدون كريم شانتي
واخف واطعم بكتير جدا
…….
تعالي اقولك على أسهل طريقه
نقول بسم الله
احلى جاتوه واحلى طعم من عمايل ايديكي
شويه اختراعات وطلعت حاجه روعه
تعالوا نشوف اد ايه سهله جدا
…..
اجهز خلاط
انزل ب كوب لبن
كوب سكر
كوب زيت
نص كوب كاكاو محلي انا استعملت نسكويك
و٣معالق صغيرين كاكاو خام
نضرب كويس جدا لمده دقيقتين
ناخد كوب من الخليط نخليه على جنب
وننزل ب ٤بيضات كبار
ونص كوب لبن رايب والبديل للرايب
نص كوب لبن ومعلقه خل صغيره
بس نتركهم ربع ساعه علشان يتحول لرايب
ونضرب تاني الخليط مع بعضه ونزود فانيليا
نجهز بوله فيها
٢َونص كوب دقيق
نص كوب نشا
ننخلهم مرتين تلاته مع بعض مع ٢م.ص بيكنج بودر ورشه ملح
وننزل بالخليط عليهم ونعجن بمضرب يدوي
نجهز صاج ٤٠في ٣٠ ندهنهازيت على خفيف ونرشه بمعلقه دقيق مع معلقه كاكاو وننزل بالخليط وعلى فرن سخن على درجه ١٧٠
…..

تابع ايضاطريقة عمل الدجاج المقرمشه كنتاكي 
تخرج من الفرن وتبرد شويه و نقلبها على صينيه عليها ورقه زبده وناخد مقاس البيركس بتاعنا وباقي الكيك للكاسات او البولات المتاحه عندك
نجهز الكوب الصوص اللي اخدناه من الخليط ونزود عليه كوب لبن وفانيليا وده هانسقي بيه الكيك يتشرب تماما معانا ونسيب شويه من الصوص على جنب هانحتاجهم للكاسات

………
اجهز الكريمه البيضا
وهنا جهزت ٣كوب لبن معلقه ونص دقيق ومعلقه ونص نشا ومعالق لبن بودره وفانيليا ادوبهم وازود عليهم معالق سكر وارفعهم عالنار مع التقليب لحد الغليان وبعد الغليان كويس انزل بمعلقه زبده وحوالي ٦مكعبات شيكولاته بيضا لو متاح وادوبهم وهايسيحوا معانا من سخونه الكريمه افضيهم في بوله واغطيهم بكيس يلامس الكريمه ويدخل التلاجه تبرد تماما
…………
اجهز كريمه الشيكولاته
٣كوب لبن مع معلقه ونص نشا ومعلقه ونص دقيق و٣معالق سكر و٣معالق كاكاو خام وفانيليا ونقلب ونرفع عالنار حتى الغليان ننزل بمعلقه زبده و٦مكعبات من الشيكولاته الدارك
وهانسيحهم مع الكريمه وهي سخنه ونغطيها بكيس ملامس لسطح الكريمه وتدخل التلاجه تبرد
….
صوص التوفي

بعد ماتبرد الكريمه البيضا
اخدها واخفقها كويس بالمضرب وياسلام لو ضفتي معلقتين من الكريم شانتي البودر
وملعقتين من صوص التوفي ويكون خارج من التلاجه هايديكي طعم يهبل
…..
وكريمه الشيكولاته نخفقها بعد ماتبرد بدون اي إضافات ولو حابه تضيفي معلقتين من موس الشيكولاته او كريم شانتي شيكولات
….
ناخد البيركس بعد ماسقناه ونوزع الكريمه البيضا عليه ونفرد طبقه سميكه
ونفرد طبقه من كريمه الشيكولاته فوقها وزينها بخطوط من صوص التوفي
….
ناخد قطع من الكيك الباقي ونقطعه على مقاس الكاسات ونقسم كل قطعه شريحتين
ونجهز الكاسات وتاخد طبقه كريمه بيضا وطبقه من الكيك ونسقيها بالصوص وبعدين نضع كريمه بيضا وكريمه شيكولاته وكيك وهكذا وعالوش الكريمه مع صوص التوفي
والف هنا

رئيس قسم المطبخ أ سمسمه سعد