طريقه حفظ ورق العنب مقدمه من الشيف هند محسن

طريقه حفظ ورق العنب

مقدمه من الشيف هند محسن

ورق العنب مالي السوق دلوقتى خزنى بالطريقه دي وهتدعيلى مجربة ومضمونة بخبرة سنين

احلي طريقتين لتخزين وحفظ ورق العنب سواء علي رف المطبخ او في الفريزر  محتفظ بلونه وطعمه من السنة للسنة …. طريقة الشركات زي ما بنشترية من السوبر ماركت

طريقة تخزين ورق العنب في البرطمان زي اللي بنشتريه من السوبر ماركت واحسن بدون مواد حافظه

اولا.. نعقم البرطمان كويس اما نغليه ونتركه ينشف أو ندخله فرن سخن 5 دقائق

ثانيا .. نغسل ورق العنب كويس ويصفي الميه بتاعته

ثالثا ..نلف كل مجموعة ورق رول زي ما بنعمل المحشي ونضعة في البرطمان ونكرر لحد ما نملي البرطمان للآخر

رابعا.. نعمل محلول الحفظ لكل نص لتر ماء ساخن معلقتين كبار ملح ونص معلقه سكر ومعلقه خل ونملي البرطمان للآخر ونقفله كويس

خامسا ..نضع البرطمانات في حلة ونغمرهم بالماء كليا ونضعها تغلي لمدة 10 – 15 دقيقة ونغلق النار ونتركها لتبرد تماما
ونحتفظ بها علي الرف سنة كامله ويخرج محتفظ بلونه وطعمه

طريقة تفريز ورق العنب

ناخذ كل مجموعة من الأوراق ونلفها في الاسترتش الغذائي وتفرغ منها الهواء جيدا ثم نضعها في الفريزر  بتطلع تتسلق ولا بتتفرفت في الفريزر ولا بتنشف ولا اي حاجه

فوائد ورق العنب

يعتبر ورق العنب مصدرًا مهمًا لأحماض أوميغا 3 الدهنية المهمة في تعزيز صحة القلب. يحتوي على مركبات ذو خصائص قوية مضادة للأكسدة. يعتبر مصدرًا غنيًا بالكالسيوم والمغنيسيوم. يساهم في تعزيز عملية الهضم والتخلص من الإمساك؛ لأن أوراق العنب غنية بالألياف الغذائية. يعتقد أن له خصائص مضادة للالتهابات. يعتقد أنه يحفّز من نشاط الدورة الدمويّة. يعتبر غذاءً مثاليًا لمرضى السكري، لاحتوائه على الألياف التي تساهم في خفض مستوى السكر في الدم. يساهم في تعزيز المناعة. يحارب آثار الجذور الحرة، لاحتوائه على فيتامين ج. يُلطف التهابات الجيوب الأنفية والرشح ويخفّف من التهاب اللثة. يعتقد أنه يساعد على تقليل الوزن.

وألف هنا

رئيس قسم المطبخ ا سمسمه سعد

تابع ايضاكفته اقتصاديه مقدمه من الشيف متي التابعي