الفتة المصري مقدمة من الشيف هدي نور الدين

الفتة المصري
مقدمة من الشيف هدي نور الدين
مدة التحضير 20 دقيقه
مدة الطهي 60 دقيقه
المقادير
لسلق اللحمة
كيلو لحمة مكعبات
بوكيه جارنيه ( بصلة جزرة كرفس ) مكعبات
ورق لورا
فلفل اسود حصي
نصف معلقه صغيره حبهان بودرة
ربع معلقه صغيره سكر
مكعب مرقة
ملح
لتحمير اللحمة
معلقه طعام سمنه بلدي
ملح
فلفل اسود ناعم
عيش محمص
3 عيش بلدي مكعبات
معلقه طعام زيت
ملح فلفل اسود ناعم
ثوم بودره
الأرز المصري
نصف كيلو أرز مصري مغسول و متصفي
نصف لتر شوربة مغليه
معلقه طعام سمنه بلدي
معلقتين طعام زيت
ملح
فلفل اسود ناعم
معلقه صغيره خل
للصوص الاحمر
لتر عصير طماطم متسبكه
معلقه طعام صلصة
كوب شوربة
معلقه طعام ثوم مفروم
معلقه طعام لية مفرومه
معلقه طعام زيت
ربع فنجان خل
ربع معلقه صغيره سكر
ملح
فلفل اسود ناعم
كزبره ناشفه ناعمه
الدقه الشوربة البيضاء
معلقه طعام ثوم مفروم
معلقه طعام لية مفرومه
معلقه طعام زيت
ربع فنجان خل
نصف لتر شوربة
ملح فلفل اسود ناعم
كزبره ناشفه ناعمه
كمون ناعم
شطة

الطريقه
أولا لسلق اللحمه
في وعاء علي النار اضع ماء مغلي و أنزل باللحمة و البوكية جارنية جزر و البصل و كرفس ورق لورا و كله ما عدا الملح و مكعب المرقه و اتركه بدون غطاء دقائق و انزع الريم من علي الوجه ثم اغطي عليها و أتركها على نار متوسطة ثم في نصف الوقت اضع مكعب المرقه ثم أتركها حتي تمام النضج و اضع الملح و أرفع من علي النار
ثم أرفع اللحمه في طبق جانبي
وعاء علي النار اضع السمنه و ذره ملح و أنزل باللحمة و اقلب حتي تتحمر و عليها ملح و فلفل اسود
ثانيا لعمل العيش المحمص
في صاج فرن اضع العيش و عليه الزيت و ملح و التوابل و يدخل الفرن حتي يتحمص و يقرمش
ثالثا لعمل الأرز
وعاء علي النار اضع السمنة و الزيت تسخن ثم انزل بالارز و يقلب جيدا ثم انزل بالشوربه المغليه و معلقه صغيره خل حتي تحافظ على بياض الأرز و ملح و فلفل اسود حتي يتشرب ثم اهدي النار حتي تمام النضج
رابعا لعمل الصوص الاحمر
وعاء علي النار اضع الليه تدوب و الزيت ثم الثوم المفروم و الكزبرة الناشفة ثم الخل و عصير الطماطم و الصلصه و الشوربه غلوتين ثم باقي المكونات و أرفع من علي النار
خامسا الدقه الشوربه البيضاء
وعاء علي النار اضع الليه المفرومة و الزيت تدوب ثم الثوم المفروم و اقلب ثم الكزبرة الناشفة حتي يصبح لون ذهبي ثم الخل و الشوربه و التوابل غلوة و أرفع من علي النار
لتحضير طبق الفتة

اضع العيش المحمص و عليه معلقتين طعام من الشوربه و معلقه طعام من الصوص الاحمر اقلبهم حتي يتشرب العيش و لكن بدون أن يطري
و اضع في الطبق العيش ثم الأرز و عليه معلقتين طعام شوربة البيضاء ثم الصوص الاحمر و اللحمه المحمرة علي الوجة و بالف هنا

رئيس قسم المطبخ أ سمسمه سعد

تابع ايضاطريقه عمل طاجن السعاده بالنوتيلا مقدمه من شيف هند محسن