طريقه عمل الكنافه البورمه مقدمه من شيف ابو عبدالله
اسهل طريقه لعمل الكنافه البورمه رووووعه
كتبت سمسمه سعد
مده التحضير ساعة
مده الطهي نصف ساعة
المكونات
كنافه
سمن
الحشو مكسرات حسب الرغبه
شربات تقيل
الطريقه
:نجيب الكنافه وتبقي طرحه طويله رفيعة نقول للراجل عايزين كنافه طرح رفيعة وناخد طرحتين فوق بعض عكس بعض ونحط الحشو في الوسط اي حشو ونلف براحة بحيث تكون مش مهوية ونرص في الصاج ونسند الفتيل اللي في الصاج من الجانبين بأي حاجة عشان ميلمش لحد ما نخلص الصاج ويوضع في الصاج سمنه سايحه نغطي الكنافه بالسمنه وتدخل الفرن علي نارهادية٢٠٠درجة حتي الأحمرار ثم نطلع الصاج براحة خالص وتصفي السمنةالزياده من الصاج وتكون محضرالسيرب التقيل مقداره كيلو ماء على كيلو ونص سكر وربع كيلوعسل جلوكوز وبعدالغليان نص معلقه صغيره ملح ليمون ويترك يهدي شوية ثم نسقي الكنافه ونسبهاتشرب السيرب حوالي ساعتين علي الأقل ثم نقطع وبألف ملحوظه صغيره بس مهمه اي حشو احنا هنحشي بيه من المكسرات نقلبه في عسل تقيل قبل مانحشي بيه عشان لما نقطع الكنافه الحشو يبقى ماسك وميقعش
ويقدم والف هنا
رئيس قسم المطبخ أ سمسمه سعد
واسماء عزازي