أحدث أخبار الفن والرياضة والثقافة والمرأة والمجتمع والمشاهير في كل المجالات

عفوا يافنان الشعب مش غلطان

مع كل التقدير للفنان شريف منير
والذي قدم الكثير من الأدوار المحترمة التي تحمل قيمة وهدف
ولاننسى له
الصفعة …والزيبق…وقبلهم ولاد العم

ولكن
جانبه الصواب في دفاعه عن رحلة المشاهير المدعومة لروسيا
https://www.facebook.com/elmshaher1/videos/2074020672840695

الحقيقة كان عدم كلام حضرتك كان أفضل
الناس مستفزة من أمور الغلاء ومش ناقصة أي استفزازات تانية …ولما تؤكد إنكم سافرتم بدعوة من شركة أساسا كان ممكن تعمل دعاية بمليون أسلوب يفيد الناس ويخللي إسمها في السما أنها مثلا على الأقل تخفض قيمة كروت الشحن أبسط مثال
أو تكلفة الرحلة دي تتوجه لحساب صندوق تحيا مصر في اي شيء ينفع الغلابة ويفيدهم
بعدبن
حجة مؤازرة الفريق مش مقبولة …هم يعني اللي ماراحوش غير مؤازرين لمصر …مزايدات مش في محلها …
وبعدين يقول دي دعوة بس التذاكر والإقامة
لاااااااااااااااااااااااااا
بجد
عدم الكلام كان أفضل ….وواضح ان اللي زعل حضرتك كلام الناقدة مش كلام الناس
وواضح إنه مادام أثر يبقى ضرب في وجع تستشعره وتبرر لنفسك إنكاره

وبعدين ناس كتير وانا منهم كان اعتراضي على ذهاب النواب والمشاهير كمبدأ من قبل المباراة
لأن الموضوع بالتأكيد له أثر سلبي على المنتخب وقد كان

لكن النواب يطلعوا بتكلفة حوالي 200 مليون جنيه ويقولوا تذاكر مخفضة ونايبة تقول على صفحتها اللي مش عاجبه يضرب راسه في الحيط
والمشاهير يطلعوا بدعوة من شركة للاتصالات ويقولوا دي للمؤازرة
وكل الاستفزاز ده وزعلانين من اللي بيتكلموا

بالذمة الفلوس اللي اتصرفت دي كانت عملت كام حاجة عدلة لناس غلابة كتير
وكان ربنا كرمنا عشان بنكرم الضعيف

عفوا
أستاذ شريف منير
كلام حضرتك مش مقبول
وزي ماحضرتك حر في دفاعك عن الخطأ
كلنا أحرار في التعبير عن استيائنا من الموقف بشكل عام
مش من الهزيمة
لأن الرياضة مكسب وخسارة عادي
لأ
والأكادة بقى إن نقيب الممثلين معكم …
طب ده حضرتك لو كانت الشركة اياها وجهت لكم كنقابة الممثلين المبلغ ده في صورة دعم للنقابة كان أفضل لأن مش كل الفنانين أصحاب ملايين
فيه كتير حالهم زي حال أغلب المصريين
واحنا لسة اهو بنقرأ ونبكي على ماهر عصام فيه كام ماهر عصام بين الفنانين محتاجين دعم ومساندة
والله ساعتها برضه كان موقف الشركة يكون أفضل من دعوتها للسفر للمؤازرة
وزي حضرتك ماقلت حطوا نفسكم مكانا
حط حضرتك نفسك مكان المصري اللي بتستفزه تصرفات بعض النماذج المصاحبة لكم في الرحلة
وعلى فكرة
حضراتكم في أعمالكم الفنية دائما ماتؤكدون إن محترفي الرقص غير أهل للاحترام …
كيف إذن تقدمون مالاتؤمنون به من الأصل
استكمالا لعتابنا نحن على حضرتك
أنت تؤدي عملا تأخذ عليه أجرا
فلا تمُّن علينا بأنكم تمتعون الجمهور
وللأسف بقدر ما يقدم البعض من حضراتكم أعمالا جيدة
يقدم غرها الكثير من غير الجيد ويدس السم في العسل ودمر الكثير في المجتمع
ولايختلف عاقل على أثر الفن الغير هادف إلى تفكيك كثير من أواصر المجتمع برغم التهليل له فنيا
ولهذا حديث آخر

=============
فاتن نصر

قد يعجبك ايضآ
اترك رد

لن يتم نشر عنوان بريدك الإلكتروني.