أحدث أخبار الفن والرياضة والثقافة والمرأة والمجتمع والمشاهير في كل المجالات

عيش التوست السن بدقيق القمح والشوفان مقدمه من شيف   ايمان سلامه

عيش التوست السن بدقيق القمح والشوفان

عيش التوست السن بدقيق القمح والشوفان

مقدمه من شيف   ايمان سلامه
مدة التحضير/ 20 دقيقه
مدة الطهي / 30 دقيقه

المقادير

⬅ نصف كيلو دقيق القمح الكامل ( دقيق اسمر)
⬅كوب شوفان مطحون ناعم جدا
⬅كوب دقيق ابيض نستخدم نصفه في العجين ونصفه في لم العجينه والفرد
⬅بيضه
⬅نص معلقه صغيره ملح
⬅ربع كوب زيت ( نسيب حبه صغيرين منه نلمع بيهم العحينه في الاخر )
⬅ معلقه كبيره بذر الكتان مغسوله ومصفاه
⬅( ٢ كيس خميره فوريه + معلقه متوسطه عسل او سكر او عسل كلوكوز بيدي نتيجه رائعه + حبه ماء فاتر ) مع بعض في كوب ونغطيه خمس دقايق لاختبار الخميره ..مهم جدا
⬅العجن باستخدام شرشة اللبن الرايب لو موجوده او ماء فاتر
⬅لتزيين الوجه ( حبات الشوفان + حبه سودا+ بذر الكتان )

الطريقه

في وعاء نضع انواع الدقيق مع بعض والملح والبيضه والزيت وبذر الكتان والزيت والخميره ونفرك كله مع بعض ونضيف الماء شويه شويه الي ان تصبح معاكي العجينه متماسكه متكنش سايحه ولا يابسه يعني وسط ولميها بشوية الدقيق الابيض الباقي معاكي من المقادير واعجنيها كويس من خمس الي عشر دقايق كده وفي الاخر حطي علي ايدك حبه الزيت الباقين من المقادير ولمي ولمعي بيهم العجين وغطيها وسبيها نص ساعه بس ده اول تخمير
بعد ما تخمر ترشي الطاوله اللي هتفردي عليها شوية دقيق وتكوني داهنه القوارب اللي هتستخدميها زيت خفيف ..افردي العجينه علي مقاس القارب ولفيها رول زي الفينو كده وندهن الوش بالفرشاه ماء ونحط الحبوب اللي هنزين بيها الوجه علي الطاوله ونلف عليها الرول بالكامل ثم نضعه بالقوارب ونبططه شويه بخفه عشان ياخد شكل القارب
وتغطي وتترك في القوارب مره اخري الي ان يتضاعف حجمها ..
الفرن يسخن علي اعلي درجه ونضع صنيه استلس بها ماء مغلي اسفل رف بالفرن ..والعيش علي الرف وسط الفرن ومتفتحيش قبل نص ساعه واختبري السوا زي الكيك ومدة التسويه علي حسب فرنك ..لما يطلع سبيه في القوارب الي ان يبرد تماما ويتقطع بارد عشان ميتهرهدش بسكينه مشرشره ..رائع وصحي ومفيد .

.الف هنا

رئيس قسم المطبخ أ سمسمه سعد

تابع ايضاالبليلة اللذيذة بالكنافة المحمرة مقدمة من الشيف هدي نور الدين

قد يعجبك ايضآ
اترك رد

لن يتم نشر عنوان بريدك الإلكتروني.