عَيِّد على أخوك القبطي … بقلم / كامل بدرخان
عيد على اخوك القبطى
كامل بدرخان
عَيِّد على أخوك القبطي
وقُله تعالى في إبطي
آكل من أكلك وأكِّلك بطي
تعالى نموِّت الفتنة
ونحافظ على أمتنا
عايشين لسه ما مُتنا
شامم ريحة فتنة
تدمرنا تفتتنا
جاية علينا أهي تبطي
لا تاخد منها ….. ولا تعطي
المزيد من المشاركات
اللي يقولك لا تعَيِّد عليه
قُله وعِيد عليه ليه؟!
دا عَيِّد عليك في العيد
ودايما الإيد في الإيد
كل عام بخير وميلاد مجيد
طب وحياة ربنا المجيد
إنه تشدد غير مرغوب
وغير مطلوب
وحق أُريد به باطل
وفتنة رأسها أهه ….. طالل
التعليقات مغلقة.