أحدث أخبار الفن والرياضة والثقافة والمرأة والمجتمع والمشاهير في كل المجالات

غرام نعيم تكتب : صباح الفل ياحكومة

صباح الفل ياحكومة بقلم : غرام نعيم

المزيد من المشاركات

الشاعرة انتصار محمد حسين تكتب  *تركني* 

صباح الفل ياحكومة
ياظالمة وعاملة مظلومة
ياسايبة ناس محرومة
وعايشة في ضلمة ومعدومة
صباح الفل
ياشايلة ومحملة سعادة
لكل برنس من السادة
وكالعادة شاربة قهوتك زيادة
صباح الفل
ياعاملة عزومة عاللحمة وعالفتة
وكل كبير وله حتة وبعد الاكل يتمشى
وباقي الشعب له صحة انه ينام مايتعشى
صباح الفل
ياسايبة كلاب كده تهوهو وتعض في ناس
ويوم ما القط بينونو ، تدق أجراس ويبقى مداس
صباح الفل
يا نايمة في العسل نومة
ويوم ماتقوم لك القومة
بتبقي قاسية وظلومة
صباح الفل
ياحاطة الشطة عالجرح وعالأحزان
ياقادرة، ياجاية تمللي عالغلبان
صباح الفل
ده ياما الشعب ده استنى
وصبر ياما ، وياما اتمنى
يوم ييجي ويتهنى ويلقى أمان
وبعد الصبر والحرمان وكتر وعود
بيرجع حاله كالأول حزين ندمان
lyrics : Gharam Naiem
قد يعجبك ايضآ
اترك رد

لن يتم نشر عنوان بريدك الإلكتروني.