أحدث أخبار الفن والرياضة والثقافة والمرأة والمجتمع والمشاهير في كل المجالات

غسيل اللحوم الدواجن والاسماك مقدم من شيف اسماء عزازي

 

غسل اللحوم والدواجن والاسماك

كتب شيف اسماء عزازي

انا لاقيت كتير بيتكلم علي غسل اللحمة والكبدة والفراخ لا وكمان اللحمة المفرومة فروحت بقالي يومين قعدت اقرأ عن الموضوع دة واتوصلت اخيرا للطريقة الصحيحة وحبيت افيد الجروب كله معايا
حنتكلم عن الموضوع دة بطريقة علمية وصحيحة لتجنب الطرق الغلط لان مش حينفع نقول احنا بنغسل الفراخ بالطريقة دي يبقي ينطبق علي اللحمة لاء طبعا اللحمة و الكبدة دي داخل جسم الحيوان مش معرضة للبكتريا والجراثيم الي متعرضة ليها الفراخ الفرخة دي عبارة عن الجسم كله من بره وجوه

غسل اللحوم :
اللحمة القطع الي بنجبها من الجزار واللحمة المفرومة والكبدة دي كلها معرضة للجراثيم والبكتريا بس مينفعش نغسلها ليه بقي عشان الدراسات اللمانية والدراسات البرطانية لاقيت ان غسيل اللحوم بكافة انواعها بتفقد جزء كبير من فائدتها الغذائية وكمان لو فيها بكتريا مياة الصنبور ( الحنفية ) بنشر البكتريا مش بتققلها طيب والحل ايه
الصدمة علي النار ياعني لو بنعمل لحمة نصدمها الاول علي النار وبعد كدة نسلقها ونفس الحكاية في الكبدة سواء متبلة او خلافه لازم تصدم علي النار واللحمة المفرومة نفس الحكاية طيب ازاي ياعني اللحمة لما تتعرض لحرارة 70 درجة بتموت فيها البكتريا وميكروبات فلما تاخد الصدمة دي بتوصل لدرجة حرارة اعلي من 70 درجة فبتالي بتموت فيها اي ميكروبات والبكتربا وبعدها بننزل علي اللحوم بميا مغلية درجة حرارتها تقارب 100 درجة وهي درجة غليانة المياه فبتالي مفيش فرصة للميكروبات والبكتريا تعيش وتنتشر

غسيل الفراخ :
بردوه غلط نغسل الفراخ بمياة الجارية لنفس الاسباب انتشار البكتيريا والميكروبات طيب الحل في الفراخ والطيور بصفة عامة ( الخل ) الخل قاتل للبكتريا بالنسبة الفراخ فهي جسم خارجي وليس داخلي زاي اللحمة مش حتفقد جزء كبير من قيمتها الغذائية وحتقلل نسبة البكتريا طيب الطريقة الصحيحة حسب الدراسات اللمانية والبريطانية حنحضر وعاء بلاستك فيه نص كوب خل و3 كوب ماء بنسبة 1 : 6 خل وميا علي حسب الكمية وملح بس وبدا بشطف الطيور ومتتعداش 3 دقائق ياعني مننقعهاش فيها عشان متفقدش قيماتها الغذائية وتتصفي وتاخد صدمة علي النار زاي اللحمة بالظبطت لو متبلة او حتتقلي او حتتشوي او حتتسلق فكل الحالات حتتعرض للنار لدرجة حرارة اعلي من 70 درجة ودة المطلوب

غسيل السمك :
غسل السمك تحت الصنبور عادي لان دة جسم مغلق حنبدا بتنظيف البطن وإزالة ما بها وإزالة الخياشين لان دي هي مصدر اي ميكروبات والجراثيم ثم نحضر وعاء بلاستك ونضع فيه نص كوب خل ومعلقة ص ملح لكل 3 كوب ماء
ياعني نسبة 1 : 6 خل ومياه ومعلقة ملح ص لكل كوب مياه نغسل السمك فيه في وقت لا بتعدي 3 دقائق حتي لا يفقد السمك جزء كبير من قيمته الغذائية وممنوع النقع نهائي

للعلم الكلام دة حسب دراسات عالمية مش وجهة نظر حد

تعديل
حبيت اضم البوستين علي بعض لافادة وعشان ناس كتير سألت عن فك المجمدات
طرق فك المجمدات :

بصو في اكتر من طريقة قريت عنها علي جوجل بس افضل الطرق هي

اولا : نطلع اللحوم من الثلاجة قبلها بيوم ونحطها في التلاجة ونطلعها قبل الاستخدام بساعة او ساعتين في المطبخ في كيسها طبعا مش نطلعها من الكيس ونبدا نسويها بالطريقة العادية نصدمها الاول في النار ونسويها

ثانيا : نحطها في كيس محكم الغلق زاي الي في الصور او اي كيس بس نقفله كوبس اوي علشان ميدخلش كيس اللحمة ميا ونحاول نفرغ الهوا منها كويس ونحطها في وعاء بلاستك ونملئ بمياه عادية من الحنفية وكل نص ساعة نغيرها في خلال ساعتين ان شاء الله حتفك ونبدا نسويها بالطريقة الي تعجبكم بس نصدمها الاول
ليه بقي منحطهاش في ميا سخنة او مغليه لان دي الميا دي بتكون بيئة خصبة لتكاثر البكتريا

الاسماء لازم تطلع قبلها بيوم او كام ساعة مينفعش تتفك في الميا بيقولوا بتزفر

في طرق في المكرويف وفي طرق انك تنزليها علي طول في الميا المغلية او تفكيها في ميا مغلية او تفكيها في الميا من غير كيس كل الطرق دي غير مستحبة

رئيس قسم المطبخ اسماء عزازي وسمسمة سعد

 

قد يعجبك ايضآ
اترك رد

لن يتم نشر عنوان بريدك الإلكتروني.