فطير مشلتت مقدم من مي مسعد

الوصفه :فطير مشلتت
مقدمه من ::مي مسعد
مدة التجهيز ساعة
مدة الطهي ٢٥دقيقة
المقادير:
:كيلو دقيق
شويه ملح
ماء للعجن
سمنه بلدي
سمنه عاديه
نضع الدقيق في طبق غويط ونضع عليه شويه الملح وبعد كدا ننزل بالماء واحده واحده ونعجن لحد ماتبقي معايا عجينه طريه نسبها ترتاح في طبق مرشوش بالدقيق لمده ساعه.
بعد كدا بنبتدي نقطها كور علي حسب حجم الفطيرة المطلوبة
بعد كدا نرش علي الرخامه دقيق ونفرد بالنشابه لحد ماتبقي دايره رفعيه نبتدي الفرد بالايد ونشد من كل جانب ومن المنتصف براحه لحد ماتبقي شفافه نحضر السمنه البلدي والسمنه العاديه في الطاسه وتكون سايحه نبتدي نرش على الدايره اللي عندنا ونوزع عليها السمنه وبعد كدا نطبقها ونرش سمنه ونطبقها تاني ونرش سمنه وبعد كدا نطبقها تاني من كل جنب لحد لما تبقى مستطيله وفي كل مره بطبق بحط سمنه وبعد كدا اعملها رول ودخل الطرف الأول في الأخير وتكون عمله زي الكوره ونحضر الصنيه مدهونه سمنه ونضع الكوره فيها ونسبها تستريح ربع ساعه وبعد ذلك نفردها داخل الصنيه لحد ماتملها ونسخن الفرن علي درجه حراره180
وندخل الصنيه لحد ماتاخذ اللون الذهبي
وتقدم مع عسل وطحينه وبالهنا والشفا رئيس قسم المطبخ
اسماء عزازي
وسمسمة سعد