أحدث أخبار الفن والرياضة والثقافة والمرأة والمجتمع والمشاهير في كل المجالات

أنا خلاص… بقلم الشاعر/ كامل بدرخان

أنا خلاص  

بقلم الشاعر/ كامل بدرخان

أنا خلاص مش هعَيِّد
دا أنا قربت أعيَّط
لا السَيد بقى سيد
والعَبد احتل وزيَّط
أعَيِّد ازاي وانا شايف
كل واحد فينا خايف
إللي خايف على ماله
واللي قال هو ….. ماله
واللي خايف على هدومه
وشال على كتافه همومه
دا اللي يشيل هَم يومه
عمره ما يتهنا ….. بنومه
اعَيِّد ازاي وآكل كحك
وبنو صهيون عكَّينها عَك
فلسطين حبيبتي ع المحك
أشوفك يا أقصى وألمحك
المزيد من المشاركات

الشاعرة انتصار محمد حسين تكتب .. “تركني” 

أعَيِّد ازاي وآكل بسكوت
والكل عن الحق ف سكوت
لو إنتم خايفين م الموت
أنا يا حبيبتي عايز اموت
أول مَن باع المسجد
راجل كان بينا بيسجد
أتاريه خاين وجاسوس
وبينخر فينا ولا السوس
بس ما تخافش يا أقصى
مصر فاكراك لسه
جايلك يا أقصى
من بعيد وأقصى
جايِّنلك يا حبيبي
والرصاصة لسه ف جيبي
نحررك ونصلِّي
أنا العربي أصلي
وغزة آهي بتولع
واحنا بنرقص وندَّلع
لا الأخ راضي يصفح
ولا حالنا ….. هيتصَلَّح
قد يعجبك ايضآ
اترك رد

لن يتم نشر عنوان بريدك الإلكتروني.