كتبت الشيف/دعاء لاشين

نصائح مفيده لنظافة مطبخك
تعالوا😉😉

هتحببك في المطبخ والطبخ 😘

1_بصي بقي يا ستي خلي عندك بخاخه فيها نص كوب ماء نص كوب خل وم كربوناتو وم ملح ليمون
اول لما تخلصي طبخ تمسحي البوتجاز الاول بمنديل وبعدين تروشي علي البوتجاز من برة ومن جوه وتتركيه ربع ساعة وبعدين تمسحيه بمنديل المطبخ ثم تلمعيه بالفوطه بتاعة المطبخ بس الوشوش تدعكيها بسلك علشان ما يتركمش عليها الدهون وتتحرق

2_ما تركنيش المواعين في الحوض اغسليها وانتي واقفه وانتي بتغسلي الموعين خلي علبه حطي فيها الصابون السايل ومايه وربع كوب خل هيخلي المواعين بتبرق

3_بعد ما تغسلي المواعين هاتي البخاخه اللي فيها الخل وملح اللمون والكربوناتو ورشي في الحوض وعلي الخلاط بتاع الحنفيه هيخليهم بيلمعوا زي الفضي

4_بعد ما تقلي السمك او البطاطس او اي مقالي هاتي جردل حطي فيه مايه سخنه وخل وملح ليمون وكربوناتو وفوطه قديمه او اي قماشه خشنه بليها واعصريها ولفيها في المساحه ومشي علي سراميك المطبخ علشان ما يتراكمش الدهون

5_لو مطبخك المويتال ترشي علي المطبخ بالبخاخه هينضف ويبرق

6_خلي الرخامه نظيفه علي طول ورايقه ماتخليش عليها حاجه امسحيها بمايه وخل بس .