كنافه بالكريمه مقدمه من الشيف متي التابعي
كنافه بالكريمه
مقدمه من الشيف متي التابعي
المقادير
نصف كيلو كنافه
ملعقه كبيره سكر بودره
كوب سمنه مذابه 200جرام
الكريمه
٣ اكواب حليب سائل
٢ معلقه كبيره دقيق
٢ ملعقه كبيره نشا
نصف ملعقه صغيره فانيليا
٢ ملعقه كبيره قشطه أو وش لبن
٣ معالق سكر
الشربات
٢ كوب سكر
كوب ماء
٣ ملاعق كبيره عسل جلوكوز
1ملعقه صغيره عصير ليمون
الطريقه
اولاًّ
نحضر الشربات
فى حله نضيف السكر والماء والعسل نقلب بسيط ونرفعهم على النار
واول لما يغلى والسكر يدوب نضيف عصير الليمون ونقلب ونتركه لمده ٨ دقائق على نار من متوسطه لهادئه وفى اخر دقيقه نضيف ربع ملعقه صغيره فانيليا
ونطفى ونتركه يبرد
نجهز الكنافه
ناخد الكنافه نحطها فى الفريز لمده ليله اقل حاجه ساعتين ونطلعها نكسرها ناعم أو نحطها فى الكبه تتفرم ناعم
لو هتستخدميها طازه افضل حاجه حطيها فى الكبه تتفرم
نضعها فى طبق ونضيف عليها ملعقه السكر وتقبلهم جيدا ملعقه السكر بتدى لون رهيب للكنافه
ونضيف كوبايه السمنه المذابه (ممكن سمنه بلدى أو نباتين)أو خليط بين الاتنين مافيش مشكله
ونبث السمنه فى الكنافه كويس اوى لحد ما الكنافه تتشرب السمنه
وبعد كده نجيب صينيه مقاس 26 أو 28لو عاوزها رفيعه شويه
ندهنها سمنه كويس اوى بس السمنه مش نسيحها نجيبها من العلبه ندهن الصينية علطول
ونحط نصف مقدار الكنافه فى الصينيه ونضغط عليها كويس ونعمل ليها حواف علشان لما تحط الكريمه متتحرقش
نحضر الكريمه
فى اناء نضيف الحليب والنشاوالسكر والدقيق ونخلط على البارد ونرفهم على نار متوسطة مع التقليب المستمر لحد مايتقل القوام وبعدين نضيف القشطه والفانيليا اخر حاجه ونقلب لحد ما القشطه تدوب والقوام يتقل ونرفعها من على النار ونوزعها على الكنافه فى الصينيه ونسبها لحد ما الكريمه تبرد ووشها يتماسك بعد كده بنحط باقى الكنافه نوزعها كويس ونضغط براحه عليها لحد مانساوى الصينيه وندخلها على فرن ساخن مسبقاً على درجه حراره ١٨٠ لحد ما الكنافه تاخد لون
واول لما تطلع نسقيها الشربات
انا كنت عامله الكنافه ف قالب التارت
بعد ما جهزت الكنافه وطلعت من الفرن قلبت الصنيه وضيفت كريمه
وزوقتها بالمكسرات وطبعا اختيارى
وبالف هنا
رئيس قسم المطبخ ا سمسمه سعد
تابع ايضاجلاش حلو مقدمه من الشيف سهام الحشاش