كيان الشعب  هو كيان مصر

بقلم / مصطفي السبع

هنتكلم بالعامية لأن العامية هي لُغتُنا
الموضوع مش الحقي ياحكومة
وفري ياحكومة
معملتيش ليه من الأول ياحكومة،

وكلنا عارفين كويس جدا ان الحكومة لو عملت من بداية انتشار الوباء كنا كلنا هنزعل وبرضوا ننتقدهم زي ما حصل قبل كده في مواعيد الحظر اللي مكنتش عاجبه حد والكل اتريق وقال هي الكورونا صاحية بالليل ونائمه بالنهار،
وده حالنا دايما نقابل الكارثة بالتريقة ومنفكرش ولو مرة واحدة ازاي نطلع منها،

مش عاوز اطول لان كثرة الكلام مفيش فايدة منه اتكلمنا كتير قبل كده وللأسف مفيش فايدة عشان كل واحد فاكر نفسه انصح من الثاني،

المهم ياحكومة بجد الله يكون في عونكم عشان كده هقول حاجه وسيبكم من الهتش اللي قولته فوق في البوست ده👆😂

لابد من تشكيل لجان تفتيش علي كل مداخل المدن والقري والطرق السريعة والغير سريعة!!
علي ان يتم سحب رخص اي سيارة ميكروباص اتوبيس اذا اكتشفتم ان المرافقين للسائق لا يرتدون الكمامة ويأخذ بيانات كل من هو مخالف وفرض غرامة مالية كبيرة عليه ترسل الي منزله،

اي ميكروباص او أتوبيس لابد ان يتم تحديد عدد الركاب في كل وسائل المواصلات علي ان يكون التخفيض ل50%،

ناس هتقولي المترو والقطارات؟ محلولة أكيد،

امناء الشرطة والاقسام اللي في محطات المترو هما المسؤولين عن تنظيم حركة وركوب المواطنين من محطات المترو يمنع الزحام علي رصيف المترو ويتم تضيق الوقت بين كل مترو علي اساس ان يكون المترو متواجد بصفة مستمرة لنقل الركاب والحد من الزحام،،

بالنسبة للقطارات
كل قطار به نقطة أمنية وأرصفة محطات القطار كذلك وهم المسؤولين عن حركة تنظيم المسافرون،،
الموضوع محتاج مجهود من الحكومة ومحتاج القوة في التعامل وفرض عقوبات صارمة مع كل المخالفين،،،

الناس اللي فضحونا في الكويت والسعودية ما هو احنا برضوا مغتربين وعندنا اهل واولاد وعايزين ننزل لهم بس معملناش كده وقاعدين وبنقرأ قرآن وربنا الحمد لله مصبرنا علي البلاء اللي احنا فيه،
قد ايه موجود معايا زملاء بيعانوا في الغربة اللي احنا فيها وشغالين في الصحراء وبيطلعوا كل يوم الشغل بداية من الساعة الخامسة صباحا ومستحملين حرارة الجو والمعاناة بالرغم اننا في صيام،
وكلنا لنا اولاد واهل برضوا، لكن زعلانين من اللي حصل في الكويت والسعودية لان اللي حصل ده لا يمثل الانسان المصري اللي حارب وانتصر في ٧٣ واللي بيقاتل وبيواجه الارهاب من كل مكان بكل قوة وشجاعة قد ايه احنا فخورين بمصريتنا وبشبابها ورجالها
قد ايه احنا فخورين بالجيش والشرطة والشهداء،
يا جماعة الدولة اللي نشأ فيها محمد نجيب وعبد الناصر والسادات ومبارك وكل الشهداء امثال احمد المنسي دي دولة عظمي دولة ينبع منها الوطنية دولة لابد ان نفتخر بها مش كل ما يبقي فيه قصور في اي شيء نتسابق علي نشر السلبيات ونفضح انفسنا قدام العالم ونضحك علينا العالم كله،،

خلاص الدولة قالت موضوع الحجر اختياري اما علي نفقتها او علي نفقة القادمين من الخارج،
صحيح ممكن البعض راجع ممعهوش فلوس لكن عايز اسأله سؤال!!
دفعت فلوس التأشيرة منين وعملت ايه عشان تسافر وتسيب بلدك وتروح تشتغل اي شغلانه بره مع انك ممكن تشتغلها في بلدك،
اللي خلاك توفر تمن التأشيرة وفر برضوا تمن اقامتك في الحجر مش انت اللي طلبت تنزل مصر،
اهو انت نزلت يبقي لازم تستحمل وتدبر امورك ومتنساش انك انت اللي غلطان لأنك تركت بلدك وسافرت وكمان اخطأت في حق بلدك كتير وخصوصا احاديثك اللي بتسيئ بيها لبلدك في الخارج دلوقتي بلدك اصبحت حلمك انك ترجعلها،،،

الصبر يا ناس والالتزام والحذر ثم الحذر ثم الوقاية ثم الاهتمام بأنفسكم،،

البلد محتاجه كل واحد فينا جمبها احنا داخلين علي فترة عصيبة تحتاج المرونة والآدمية في التعامل وفي حب المصلحة العامة للدولة

ابدأ بنفسك ثم الآخرين

حافظ علي نفسك أنت قيمة،،

#كيانالشعبهوكيانمصر،،،،