أحدث أخبار الفن والرياضة والثقافة والمرأة والمجتمع والمشاهير في كل المجالات

كيتوجينك دايت او دايت الكيتو

ورد الينا عدد كبير من الاسئله حول كيتوجينك دايت وبدورنا توجهنا الي كابتن محمد عادل الشهير ب باتستا مدرب معتمد من الاكاديمية الدولية لعلوم الرياضة و المؤسسة الاسترالية للفتنس. ليتحدث اليكم باستفاضه عن هذا النوع من الحميات بطريقه محايده وباسلوب مبسط كي يسهل علي القارئ فهمه

الكيتو ببساطه هو جزء من الحاله الي جسمك فيها بيحرق السعرات الحراريه
والحاله دي بتحصل للجسم احيانا لو قعدت وقت طويل ما اكلتش مستوي الانسولين بينخفض وبيتدي الجسم يطلع الخلايا الدهنيه ويعبتها للكبد و الكبد ب يحول جزء كبير منها ل كيوتونات .
في كيتوسيس ده جسمك بيحرق الدهون علشان يستخدمها كمصدر طاقه بدل من الكاربوهيدات . والجسم ف الاغلب بياخد وقت علشان بيتدي يتاقلم علي الموضوع ده وبيتدي يعتبر الدهون هي مصدر الطاقه ليه . وده بيكون في بدايه تطبيق النظام
ودي تيعتبر مرحله ان جسمك يتكيف مع نظام الكيتو .
في الفتره دي ممكن يحصل بعض الاثار الجانبيه المؤقته . وبيقال علي المرحله دي مسمي انفلونزا الكيتو .
طيب ايه الاعراض الي ممكن تحصل لاغلب الناي في بدايه الكيتو :
1- الصداع
2- الارهاق
3- زياه الجوع
4- قله النوم
5- غثيان
6- انخفاض اداءك في التمرين
7- تحول ريحه عرقك وريحه الفم زي الاسيتون بتاع الظوافر
8- بعض الاحيان تشنجات في العضلات خصوصا الرجل
9- مشاكل في الهضم مع بعض الناس بسبب تغير نظام الغذائي
10- زياده معدل نبضات القلب عند بعض الناس
للاسف ناس كتير بمجرد ما بيحصل معاها الاعراض دي مش بتكمل االنظام ومش بتصبر لحد ما تعدي مرحله دي وتجني فوايد النظام الكتيره
ازاي نقلل من الاثار الجانبيه المحتمله دي في بدايه النظام الكيتوني :
1- تشرب ميه كتير مش اقل من 2 لتر يوميا
2- تاخد كميه ملح في اكلك كويسه معلقه او معلقتين خلال اليوم اوعي تقطع الملح
3- تهتم بالاطعمه الي كلها معادن زي البوتاسيوم والماعنسويم
4- تقلل جهد التمرين بتاعك
5- ممكن تبدا تقلل الكاربوهيدات تدريجيا قبل ما تدخل في نظام علشان تعود جسمك تدريجيا
6- تهتم باكل الالياف الغذائيه زي المسكرات وبعض البذور زي السمسم
الملخص ان النظام الكيتوني نظام امن وليه فوايد كتير لبعض الناس خصوصا مرضي السكري من النوع التاني والي بيعانوا من السمنه والاطفال الي عندهم صرع
ولكن ليه بعض الاعراض الجانيه في البدايه زي ما شرحنا ولكن بعد اسبوع او اتنين الجسم بيتعود عليها .
طيب النظام الكيتوني عباره عن ايه بظبط .؟
هو نظام قليل جدا في الكاربوهيدرات . عالي جدا في الدهون . معتدل في البروتين يتشابه مع حميه اتكينز شويه في انه منخفض جدا في الكارب .
طيب طريقته بظبط ايه ؟
هو ليه ثلاث طرق
الاولي : Standard ketogenic diet (SKD)
ودي بيكون الدهون فيها حوالي 75% من سعراتك والكارب 5% والبروتين 20%
الثانيه : Cyclical ketogenic diet (CKD)
وده بيكون في ايام منخفضه جدا في الكاربوهيدرات وايام عالي في الكارب
الثالثه : Targeted ketogenic diet (TKD)
وده بيسمحلك انك تزود الكاربوهيدات في الايام الي فيها تمرين قاسي . وبتكون تقريبا النسب في 60% دهون و35% بروتين و5% كارب
طبعا اشهرهم الطريقه الاولي وهي الي تم عليها اغلب الدراسات .

قد يعجبك ايضآ
اترك رد

لن يتم نشر عنوان بريدك الإلكتروني.