كيك البرتقال او اليوسفى  مقدم من شيماء زهران  

الكيكه دي المفروض تتعمل باليوسفي

بتبقي تحفففه ولو اليوسفي فيها ظاهر اكتر

بس انا عملتها النهارده بالبرتقال وكانت خطيره بجد

كيكة البرتقال او اليوسفي

المقادير

1 كوب سكر

٣/٤ كوب زبده بدرجة حرارة الغرفه

٥ بيضات

فانيلا

ملعقه صغيره خل

٢،٥ كوب دقيق

٣ ملاعق صغيره بيكنج باودر

كوب عصير برتقال او يوسفي

ملعقه كبيره بشر برتقال لو عايزين بشر يوسفي بنشيل الجزء الابيض الداخلي من القشره والجزء البرتقالي اللي بره بنفرمه بالسكينه او فالكبه اسهل

مقادير الصوص

كوب ونص سكر

علي كوب ونص عصير برتقال او يوسفي

يغلي نشيل الريم

نضيف ملعقه صغيره بشر برتقال او يوسفي

وعصير نصف ليمونه ونسيبه ٧ دقايق علي نار هاديه واطفي واسيبه يبرد خالص

هنعمله قبل مانبتدي فعمايل الكيك

الطريقة

كيك البرتقال او اليوسفي

هنضرب السكر الاول مع الزبده كويس اوي لحد لما يبقي كريمي خالص ابدا اضيف البيضه بيضه بيضه لحد لما تختفي تماما اضيف التانيه وهكذا

ثم اضيف الفانيليا والخل وبشر البرتقال واضرب

 اضيف نصف كمية العصير وبعدها نصف كميه الدقيق والبيكنج باودر  ثم تاني باقي كمية العصير

وباقي كمية الدقيق والبيكنج باودر وقلبهم براحه خالص

واضعهم فصينه مدهونه بزيت ومتعفره بدقيق

وادخلها فرن سخن من قبلها علي ١٨٠ درجه

اخدت معايا ٤٠ دقيقه

بس برضه نتابعها من بعد ٣٠ دقيقه ونختبر سواها

ولما تخرج من الفرن وهي سخنه نديها نصف الصوص البرتقال البارد

ونخرمه بعود خشب علشان تشرب الصوص

ونقلبها فطبق ونضع باقي الصوص

جربوها هتعجبكم اوي ان شاء الله

رئيس قسم المطبخ أ / جيهان جعفر