كيك كريم كراميل مقدم من الشيف ندي نواري،

كتبت غادة المصري

وقت التحضير 1/4 ساعة
وقت النصج 40 د
في قالب تشيز كيك اعملي الكيكة
اللي هي
3 بيضات+ك سكر+فانيليا اضربيهم كويس+ك حليب+1/2 ك زيت+2 ك دقيق شيلي منهم على جنب 3م ك دقيق وحطي مكانهم 3 م ك كاكاو+ظرف بيكنج باودر+م ص بيكربونات وحطيها في الفرن وبعد ماتستوي طلعيها من الفرن وجهزي الطبقة التانية اللي هي
علبة كريم كراميل اعمليها زي مامكتوب على العلبة بالزبط وضيفي عليها علبة قشطة سادة+8 قطع بسكويت شاي واضربيها في الخلاط وصبيها على الكيكة ودخليها الثلاجة
وجهزي الطبقة اللي بعدها
بردوا اعملي علبة كريم كراميل تانية وصبي عليها علبة قشطة سادة+8 بسكويت شاي سادة+3 م ك كاكاو نسكويك وصبيها على الطبقتين بتاع الكيك والكراميل ودخليها الثلاجة ولما بتطلعيها زينيها بشوكولاتة مالتيزر وحلوة كراميل و اعملي خطوط بكيس الكراميل اللي موجود مع كريم الكراميل