للمرة الثانية محمود التهامى يُفعل هاشتاج لا_للمهرجانات

كتبت: مديحه عاشور
للمرة الثانيه يُفعل الشيخ محمود التهامى نقيب المتشدين هاشتاج لا_للمهرجات ، حيث قال عبر صفحته الشخصية على فيسبوك
موجها رسالته لمقدمى المهرجانات
“علي المستوي الإنساني لكم مني كل التقدير ، و أحسن مني كمان ، أما علي المستوي الفني والمهني !

تجار المخدرات والهروين ومافيا الأعضاء والدعارة أقتنوا أفخم العربيات ، وسكنوا في أعلي القصور والشاليهات ، ولبسوا أغلي الماركات ، وعلموا أولادهم في أعلي المدارس والجامعات ، علشان يتم تصنيفهم من رجال الأعمال الشرفاء في مصر !!! لكن هيفضلوا مكانهم الأصلي السجن ،.

أنا بقولك الكلام دا ليه. علشان تفهم انك مهما وصلت ونجحت ( واشتريت ) أعلي مشاهدات وبقيت ترند ، وطلعت في أكبر البرامج والقنوات ، واشتغلت في أشهر المسلسلات ، واتصاحبت علي قيادات وفنانين ولعيبة كورة … الخ ، هتفضل طول عمرك فن زبالة لقيط ، نتاج سقطة في وقت ما … نبتت في رحم إنحلال أخلاقي ،.

ورضعت من صدر الجهل والتخلف ، وتربية السفة والعته ، برعاية عديمي المسؤولية والفن والذوق أللي بيعجلوا هدم ثقافة وفن وتاريخ مصر .
ففكره أنك أصبحت الفن الأول ، ورقم واحد في مصر ، وهو دا توجه الدولة ، وهو دا اللي جاي ، وانك فنان أصلاً … الخ.

المهازل اللي انتوا عايشين فيها ، تنساها خااااالص ، لأن محدش هيسمحلك بأنك حتي تفكر فيها مش تقولها كمان (بإستثناء زمبي الإحساس) أمثالك ،
هتفضل قدامي وقدام الفنانين الشرفاء بجد ، والغيورين علي الفن والبلد والثقافة والأخلاق والتاريخ ، هتفضل طول عمرك مصنف غلطة وذنب نتاج إنحلال أخلاقي ، راضع تخلف ،متربي علي السفه والعته ،.

مكانك الأصلي بير السلم
#لا_للمهرجانات “