ماتزعلوش … بقلم / غرام نعيم
ماتزعلوش
غرام نعيم
ماتزعلوش
المزيد من المشاركات
لو يوم لقيتوا الحق غايب
أو ماعادش ليكم حبايب
ماتزعلوش
لو قاسيتوا أو عانيتوا
أو حصاد العمر ضاع
والحبيب خان ولا باع
وانكتب كلمة وداع
ماتزعلوش
لو نصيبكوا في يوم تأخر
أو زرعتوا ومش بيثمر
واللي ضحى ومش بيتمر
ماتزعلوش
لو في يوم الرزق ضاق
او خلاص مابقاش وفاق
ولا جه موعد فراق
ماتزعلوش
لو لقيتوا الندل ساد
والخسيس فوق العباد
والكبير بقى من الولاد
ماتزعلوش
لوخسرتوا اخوات شقايق
وان لقيتوا الخلق ضايق
والمزاج ماعادش رايق
ماتزعلوش
كل شيء حيكون له حل
وحده ربك بس قادر
يقلب الموازين لصابر
راضي مابيفقد ايمان
إن ربك هو وحده ليه أمان
غرام
